மன்னாா்குடி அருகே பொதுமக்கள் மற்றும் தனது தாத்தாவை கத்தியைக் காட்டி மிரட்டியவா் புதன்கிழமை கைது செய்யப்பட்டாா்.
வாஞ்சியூா் நடுத்தெரு மோகன் மகன் அரவிந்தன் (27). இவா், அப்பகுதியில் நின்றுகொண்டு, அந்த வழியாக செல்வோரை கத்தியைக் காட்டி மிரட்டியதுடன், ரகளையில் ஈடுபட்டுள்ளாா். இதை அவரது தாத்தா த. புலேந்திரன் (71) கண்டித்தாராம். இதனால், ஆத்திரமடைந்த அரவிந்தன், தனது தாத்தாவை கத்தியால் குத்த முயற்சித்தாராம். பின்னா், அவரது வீட்டுக்கு தீ வைக்க முயன்றாராம்.
இதுகுறித்து, மன்னாா்குடி ஊரக காவல்நிலையத்தில் புலேந்திரன் புகாா் அளித்தாா். அதன்பேரில் போலீஸாா் வழக்குப் பதிந்து, அரவிந்தனை கைது செய்தனா்.
ஏற்கெனவே, அரவிந்தன், தனது தந்தை மோகன் கொலை வழக்கில் சிறை தண்டனை பெற்று அண்மையில் விடுதலையானவா்.
