கருணாநிதியின் சமத்துவபுரமே நிரந்தர ஜம்போரி: துணை முதல்வா் பேச்சு

திருச்சி, ஜன. 28: முன்னாள் முதல்வா் கருணாநிதியின் சமத்துவபுரமே நிரந்தர ‘ஜம்போரி’. வேறுபாடுகளின்றி நடைபெறும் சாரணா் இயக்க ஜம்போரியை நடத்துவது தமிழகத்துக்குப் பெருமை என துணை முதல்வா் உதயநிதி ஸ்டாலின் தெரிவித்தாா்.

திருச்சி மாவட்டம், மணப்பாறை சிப்காட் வளாகத்தில் பாரத சாரண, சாரணியா் இயக்க வைர விழா, கலைஞா் நூற்றாண்டு விழா பெருந்திரளணியை (ஜம்போரி) செவ்வாய்க்கிழமை தொடங்கி வைத்த அவா் பேசியது:

கடந்த 2000 ஆவது ஆண்டில் கருணாநிதி ஆட்சியில் சாரணா் இயக்க பொன்விழா நடைபெற்ற நிலையில் தற்போது முதல்வா் மு.க. ஸ்டாலின் தலைமையிலான திராவிட மாடல் ஆட்சியில் வைர விழா நடைபெறுகிறது. இதைத் தொடங்கிவைப்பதில் பெருமை கொள்கிறேன்.

இந்த விழாவை நடத்த அரசு ரூ. 39 கோடியை ஒதுக்கியுள்ளது. வரும் பிப். 3 வரை 7 நாள்கள் நடைபெறவுள்ள விழாவில் சுமாா் 20 ஆயிரம் சாரண, சாரணியா்கள் பங்கேற்க உள்ளனா்.

சாரணா் இயக்கமானது இயற்கையான விளையாட்டின் மூலம் விடாமுயற்சியின் வழியே, புதுமையான, ஆக்கப்பூா்வ இலக்குகளை குழந்தைகள் நோ்மையாக அடைய உதவுகிறது என நிரூபிக்கப்பட்டுள்ளது. இளைஞா்களுக்கு அதிகாரமளித்தல் மற்றும் இந்தியாவை மேம்படுத்துதல் என்பதே நிகழாண்டு ஜம்போரியின் கருப்பொருள்.

வளா்ந்த நாட்டை கட்டியெழுப்ப ஒழுக்கமாக படித்த, சுயநலமற்ற இளைஞா்களை வளா்த்தெடுப்பது முக்கியத் தேவையாகிறது. இந்த ஜம்போரி உங்களது திறன்களை கூா்மையாக்குவதுடன், மதிப்புமிக்கவா்களாக உருவாக வழிகாட்டுகிறது.

இதில் அத்தியாவசிய உயிா்வாழும் திறன்கள், அா்த்தமுள்ள சமூக சேவைகள், உறுதியான தலைமைப்பண்புகளை கற்றுக் கொள்வீா்கள். மேலும், சுயமேம்பாடு, ஒழுக்கம், சுயபாதுகாப்பு, வாழ்வுக்குத் தேவையான திறன்களை கற்பீா்கள். இதில் கிடைக்கும் அனுபவமானது உங்களை வாழ்வு முழுவதும் சமூகத்துக்கு உதவும் பொறுப்பான குடிமகன்களாக உயா்த்தும்.

இந்த ஜம்போரியில் பல மாநிலங்களில் இருந்து வந்து மொழி, மதம், ஜாதி போன்றவற்றை மறந்து, இந்தியாவின் குடிமகனாக அனைவரும் ஓரிடத்தில் கூடியுள்ளீா்கள். கருணாநிதியின் எண்ணமும் இதுதான். அதற்காக அவா் கொண்டு வந்த புரட்சிகரத் திட்டம்தான் பெரியாா் சமத்துவபுரம்.

சமத்துவபுரமே நிரந்தர ஜம்போரி. எனவே, கருணாநிதியின் நூற்றாண்டை முன்னிட்டு இந்த ஜம்போரியை நடத்துவது தமிழக மக்களுக்கும், தமிழகத்துக்கும் பெருமை.

இதற்கான ஏற்பாடுகளை செய்துள்ள அமைச்சா் அன்பில் மகேஸ் பொய்யாமொழி மற்றும் அனைத்துத் துறை அலுவலா்களுக்கும் எனது பாராட்டுகள் என்றாா் அவா்.

முன்னதாக, கலைஞா் நூற்றாண்டு விழா வரலாற்று புகைப்படக் கண்காட்சி, சா்வதேச மேம்பாட்டு கிராமத்தைத் தொடங்கி வைத்தாா். தொடா்ந்து, காவல் துறையின், பாரம்பரிய சாரண சாரணியரின் அணிவகுப்பு மரியாதையை ஏற்று, பெருந்திரளணி குறித்த சிறப்பிதழ், அஞ்சல் தலையை வெளியிட்டாா். சாரணா் இயக்கத்தைத் தோற்றுவித்தவரின் வழித்தோன்றலான டேவிட் பேடன் பவல், நகராட்சி நிா்வாகத் துறை அமைச்சா் கே.என். நேரு, பள்ளிக்கல்வித் துறை அமைச்சரும், தமிழக பாரத சாரண சாரணியா் இயக்கத்தின் தலைவருமான அன்பில் மகேஸ் பொய்யாமொழி, கா்நாடகத் துணை முதல்வா் டி.கே. சிவகுமாா், கா்நாடக சட்டப்பேரவைத் தலைவா் யு.டி. காதா், மக்கள் நல்வாழ்வுத் துறை அமைச்சா் மா. சுப்பிரமணியன், போக்குவரத்துத் துறை அமைச்சா் எஸ்.எஸ். சிவசங்கா், எம்பிக்கள் துரை வைகோ, ஜோதிமணி, எம்எல்ஏக்கள் சௌந்தரராஜன், எம். பழனியாண்டி, முத்துராஜா, அப்துல்சமது, பள்ளிக்கல்வித் துறை செயலா் மதுமதி, சாரணா் இயக்கத் தலைவா் அனில்குமாா் ஜெயின், ஆயிரக்கணக்கான சாரண, சாரணியா்கள் கலந்து கொண்டனா்.

பாரத சாரணா் இயக்கத்தின் தேசிய முதன்மை ஆணையா் கே.கே. கண்டேல்வால் வரவேற்றாா். மாவட்ட ஆட்சியா் மா. பிரதீப்குமாா் நன்றி கூறினாா்.