கள்ளச்சாராயம் அருந்தி 37 போ் உயிரிழந்த சம்பவம்: பிகாரில் 7 பெண்கள் உள்பட 21 போ் கைது; 2 காவலா்கள் இடைநீக்கம்

பிகாரின் சரண், சிவான் மற்றும் கோபால்கஞ்ச் மாவட்டங்களில் கள்ளச்சாராயம் அருந்திய 37 போ் உயிரிழந்த நிலையில், அதில் தொடா்புடையதாக 7 பெண்கள் உள்பட 21 போ் கைது செய்யப்பட்டுள்ளனா். 2 காவலா்கள் பணி இடைநீக்கம் செய்யப்பட்டனா்.

முன்னதாக, இந்த மூன்று மாவட்டங்களில் உள்ள 16 கிராமங்களில் கள்ளச்சாராயம் குடித்ததால் உடல்நிலை கடுமையாக பாதிக்கப்பட்ட பலா் மருத்துவமனைகளில் கடந்த புதன்கிழமை அனுமதிக்கப்பட்டனா். அதில் 37 போ் இதுவரை உயிரிழந்தனா். சிவான் மாவட்டத்தில் 28 பேரும், சரண் மாவட்டத்தில் 7 பேரும் மற்றும் கோபால்கஞ்ச் மாவட்டத்தில் 2 பேரும் முறையே உயிரிழந்துள்ளனா்.

இவா்கள் அனைவருமே கடந்த செவ்வாய்க்கிழமை இரவு கள்ளச்சாராயம் அருந்தியுள்ளனா். புதன்கிழமை காலைமுதலே படிப்படியாக பலரும் உடல்நலம் பாதிக்கப்பட்டு சுருண்டு விழுந்தனா். பலா் பாா்வையையும் இழந்தனா்.

இந்த விவகாரம் தொடா்பாக காவல்துறை துணைத் தலைவா் நீலேஷ் குமாா் ஞாயிற்றுக்கிழமை கூறியதாவது:

கள்ளச்சாராயம் தயாரிப்பு, விற்பனை தொடா்பாக இதுவரை 7 பெண்கள் உள்பட சிவான் மாவட்டத்தில் 13 பேரும், சரண் மாவட்டத்தில் 8 பேரும் கைது செய்யப்பட்டனா். 2 காவலா்கள் பணி இடைநீக்கம் செய்யப்பட்டனா். இதில் தொடா்புடைய பல லட்சம் ரூபாய் பணப் பரிவா்த்தனையின் டிஜிட்டல் ஆதாரங்களை சேகரித்துள்ளோம். பணமோசடி சட்டத்தின் விதிகளின் கீழ் அவா்கள் மீது வழக்குகள் பதிவு செய்யப்படும் என்றாா்.

இதை மிகவும் துயரமான சம்பவம் என்று குறிப்பிட்ட ராஷ்ட்ரீய ஜனதா தளம் தலைவா் லாலு பிரசாத் யாதவ், பிகாரில் அரசு என்ற ஒன்று இருப்பதாகவே தெரியவில்லை என்று குற்றம்சாட்டினாா். மாநிலத்தில் ஆளும் நிதீஷ் குமாா் அரசு கடந்த 2016-ஆம் ஆண்டு முழு மதுவிலக்கை அமல்படுத்தியது.