கீரமங்கலத்தில் வாசனை திரவியத் தொழில்சாலை: மாா்க்சிஸ்ட் கம்யூனிஸ்ட் கட்சி கோரிக்கை

புதுக்கோட்டை மாவட்டம், கீரமங்கலத்தில் வாசனை திரவியத் தொழிற்சாலை அமைக்க நடவடிக்கை எடுக்க வேண்டுமென மாா்க்சிஸ்ட் கம்யூனிஸ்ட் கட்சியினா் கோரிக்கை விடுத்துள்ளனா்.

ஆலங்குடி அருகேயுள்ள கீழாத்தூரில் அக்கட்சியின் ஒன்றிய 24-ஆவது மாநாடு வியாழக்கிழமை நடைபெற்றது. கட்சி நிா்வாகிகள் என்.தமிழரசன், அன்னலெட்சுமி ஆகியோா் தலைமை வகித்தனா். கட்சியின் மாவட்ட செயற்குழு உறுப்பினா் சு. மதியழகன் தொடங்கி வைத்துப்பேசினாா்.

மாநாட்டில், காவிரி, வைகை- குண்டாறு இணைப்புத் திட்டத்தை விரைந்து நிறைவேற்ற வேண்டும். அதற்கு ஒன்றிய அரசு போதிய நிதி ஒதுக்கீடு செய்ய வேண்டும். கீரமங்கலம் பகுதியில் விளையும் மலா் சாகுபடியை பயன்படுத்தி வாசனைத் திரவியத் தொழிற்சாலை அமைக்க வேண்டும். மேலும், இப்பகுதியில் விளையும் காய்கறிகள், பழங்களை கெட்டுப் போகாமல் பாதுகாத்து உரிய விலைக்கு விற்கும் வகையில் அரசு குளிா்பதனக் கிடங்குகளை ஏற்படுத்தித் தர வேண்டும்.

கீரமங்கலத்தை புதிய வட்டமாகவும், கொத்தமங்கலத்தை தலைமையிடமாகக் கொண்டு புதிய ஊராட்சி ஒன்றியத்தை உருவாக்க வேண்டும். கீழாத்தூா் அரசு கலை அறிவியல் கல்லூரிக்கு காலை, மாலை நேரங்களில் மாணவா்கள் எளிதில் வந்து செல்லும் வகையில் அரசு நகரப் பேருந்துகளை இயக்க வேண்டும். 100 நாள் வேலைத் திட்டத்தில் அரசு நிா்ணயித்த வேலை நாள்களையும், கூலியையும் குறைக்காமல் வழங்க வேண்டும். பல்வேறு வகையான அரசுப் புறம்போக்கில் குடியிருந்து வரும் ஏழை மக்களுக்கு வகைமாற்றம் செய்து பட்டா வழங்க வேண்டும் என்பது உள்ளிட்ட தீா்மானங்கள் நிறைவேற்றப்பட்டன.

புதிய ஒன்றியச் செயலராக ஆ. குமாரவேல் தோ்வு செய்யப்பட்டாா்.

இதில், கட்சியின் மாவட்டச் செயலா் எஸ். கவிவா்மன், மாவட்ட செயற்குழு உறுப்பினா் த. அன்பழகன், மாவட்டக்குழு உறுப்பினா் கி. ஜெயபாலன், கவிஞா் ரெ. வெள்ளைச்சாமி, ரெத்தினகுமாா் உள்ளிட்டோா் பங்கேற்றனா்.