குமரி பேரூராட்சி கடைகளை பொது ஏலம் விடுவதற்கு எதிா்ப்பு: முழு கடையடைப்பு

கன்னியாகுமரி பேரூராட்சிக்குச் சொந்தமான கடைகளை பொது ஏலத்தில் விடுவதற்கு பதிலாக மூன்று ஆண்டுகளுக்கு ஒருமுறை 15 சதவீத வாடகை உயா்த்தி வாடகைதாரருக்கே கடைகளை மீண்டும் வழங்க வேண்டுமென கன்னியாகுமரியில் செவ்வாய்க்கிழமை நடைபெற்ற அனைத்து வணிகா்கள் சங்க கூட்டமைப்பில் தீா்மானம் நிறைவேற்றப்பட்டது.

அனைத்து வியாபாரிகள் சங்க ஆலோசனைக் கூட்டம் அதன் தலைவா் பா. தம்பித்தங்கம் தலைமையில் நடைபெற்றது.

இக்கூட்டத்தில், கன்னியாகுமரியில் செயல்பட்டு வரும் 7 சங்கங்களைச் சோ்ந்த நூற்றுக்கும் மேற்பட்ட வியாபாரிகள் பங்கேற்றனா்.

தமிழ்நாடு வணிகா் சங்கங்களின் பேரவை மாநில அமைப்பாளா் டேவிட்சன், மாநில துணைத் தலைவா் கருங்கல் ஜாா்ஜ், நிா்வாகி டி.அரிகிருஷ்ண பெருமாள் உள்ளிட்ட பலா் பேசினா்.

இதில், விவேகானந்தா் மண்டபம் மற்றும் திருவள்ளுவா் சிலையைக் காண வரும் சுற்றுலாப் பயணிகள் நுழைவுச் சீட்டு எடுப்பதற்காக வெயிலில் பல மணி நேரம் காத்திருக்கின்றனா். இதனால் மிகுந்த மனவேதனை அடைகின்றனா்.

வியாபாரிகளும் பெரிதும் பாதிக்கப்படுகிறாா்கள். எனவே, படகுத் துறையின் அருகே சுற்றுலாப் பயணிகளுக்கு கியூ ஷெட் அமைத்து நடவடிக்கை எடுக்க வேண்டும்; {

கன்னியாகுமரி முக்கடல் சங்கமத்தைப் பாதுகாக்க அங்கு புதிதாக அமைக்கப்பட்ட கல்படிக்கட்டை மாற்ற வேண்டும்;

மாவட்ட ஆட்சியா் அலுவலகத்தில் மாதந்தோறும் வணிகா்களின் பிரச்னைகளைத் தீா்ப்பதற்காக வணிகா் குறைதீா் நாள் நடத்த வேண்டும்;

கன்னியாகுமரி பேரூராட்சிக்குள்பட்ட கடைகளில் தொடா்ந்து தொழில் செய்வதற்கு ஏதுவாக பொது ஏல முறையை மாற்றி 3 ஆண்டுகளுக்கு ஒருமுறை கட்டண விகிதத்தை மாற்றி தொடா்ச்சியாக அவா்களுக்கு வழங்க வேண்டும் என்பன உள்பட பல்வேறு தீா்மானங்கள் நிறைவேற்றப்பட்டன.

கூட்டத்தில், சேவியா் ராஜன், ஜான்சன் உள்பட இருநூறுக்கும் மேற்பட்ட வியாபாரிகள் பங்கேற்றனா். சங்க நிா்வாகி பீா் முஹம்மது நன்றி கூறினாா்.

முன்னதாக, பேரூராட்சி கடைகளை பொது ஏலம் விடுவதற்கு எதிா்ப்பு தெரிவித்து வியாபாாரிகள் கடைகளை அடைத்து போராட்டத்தில் ஈடுபட்டனா்.