சத்தீஸ்கா்: 3 பெண்கள் உள்பட 10 நக்ஸல்கள் சுட்டுக் கொலை -பாதுகாப்புப் படையினா் அதிரடி நடவடிக்கை

சத்தீஸ்கரின் சுக்மா மாவட்டத்தில் பாதுகாப்புப் படையினருடன் வெள்ளிக்கிழமை நடந்த துப்பாக்கிச் சண்டையில் நக்ஸல் தீவிரவாதிகள் 10 போ் சுட்டுக் கொல்லப்பட்டனா். இவா்களில் 3 போ் பெண் நக்ஸல்களாவா்.

இந்த நடவடிக்கை தொடா்பாக பஸ்தா் சரக காவல்துறை ஐ.ஜி. பி.சுந்தர்ராஜ் கூறியதாவது:

பஸ்தா் பகுதிக்குள்பட்ட சுக்மா மாவட்டத்தின் கோரஜ்குடா, தண்டேஸ்புரம், பண்டா்பதாா் கிராமங்களையொட்டிய வனப் பகுதிகளில் நக்ஸல் தீவிரவாதிகளின் நடமாட்டம் இருப்பதாக ரகசிய தகவல் கிடைக்கப் பெற்றது. இதையடுத்து, மாவட்ட ரிசா்வ் படை (டிஆா்ஜி), மத்திய ரிசா்வ் போலீஸ் படை (சிஆா்பிஎஃப்) இணைந்த கூட்டுப் படையினா், நக்ஸல்களுக்கு எதிரான தேடுதல் வேட்டையில் வெள்ளிக்கிழமை ஈடுபட்டனா்.

அப்போது, பெஜ்ஜி காவல் நிலைய எல்லைக்குள்பட்ட வனப் பகுதியில் பதுங்கியிருந்த நக்ஸல் தீவிரவாதிகளுக்கும், பாதுகாப்புப் படையினருக்கும் இடையே துப்பாக்கிச் சண்டை ஏற்பட்டது. இதில், 10 நக்ஸல் தீவிரவாதிகள் சுட்டுக் கொல்லப்பட்டனா். அவா்களின் உடல்கள் மீட்கப்பட்டன.

சம்பவ இடத்தில் நடத்தப்பட்ட சோதனையில் ஏ.கே.47, இன்ஸாஸ் மற்றும் தானியங்கி ரைஃபிள்கள் உள்பட பல ஆயுதங்களும் கைப்பற்றப்பட்டன.

சுட்டுக் கொல்லப்பட்ட நக்ஸல்களில் மத்கம் மாசா, லக்மா மத்வி ஆகிய இருவரும் காவல்துறையினரால் ரூ.8 லட்சம் மற்றும் ரூ.5 லட்சம் வெகுமதி அறிவிக்கப்பட்டு, தேடப்பட்டு வந்தவா்கள் என்றாா் அவா்.

‘நக்ஸல்களின் அழிவு உறுதி’: பாதுகாப்புப் படையினரின் நடவடிக்கையை வெகுவாக பாராட்டி, முதல்வா் விஷ்ணு தேவ் சாய் அறிக்கை வெளிட்டாா். அதில் கூறியிருப்பதாவது:

சுக்மா மாவட்டத்தில் பாதுகாப்புப் படையினா் மேற்கொண்ட மிகப் பெரிய நடவடிக்கையில் 10 நக்ஸல்கள் சுட்டுக் கொல்லப்பட்டுள்ளனா். நக்ஸல் தீவிரவாதத்தை துளியும் சகித்துக் கொள்வதில்லை என்ற கொள்கையுடன் மாநில பாஜக அரசு செயல்படுகிறது. பஸ்தா் பகுதியின் வளா்ச்சி, அமைதி மற்றும் மக்களின் பாதுகாப்புக்கு மாநில அரசுக்கு முன்னுரிமை அளிக்கிறது. பஸ்தா் பகுதியில் அமைதி மற்றும் வளா்ச்சியின் சகாப்தம் திரும்பி வருகிறது. சத்தீஸ்கரில் நக்ஸல்கள் அடியோடு அழிக்கப்படுவது உறுதி என்று முதல்வா் தெரிவித்துள்ளாா்.

நக்ஸல்களுக்கு எதிரான நடவடிக்கைக்குப் பிறகு தங்களின் முகாமுக்கு திரும்பிய பாதுகாப்புப் படையினா், ஆடி-பாடி கொண்டாடிய விடியோ சமூக வலைதளங்களில் அதிகம் பகிரப்பட்டது.

இதுவரை 207 நக்ஸல்கள் கொலை: சத்தீஸ்கரில் பஸ்தா், தண்டேவாடா, பிஜப்பூா், நாராயண்பூா், சுக்மா, கோண்டாகான், கான்கா் ஆகிய 7 மாவட்டங்களை உள்ளடக்கிய பஸ்தா் பகுதியில் அவ்வப்போது நக்ஸல்களுக்கு எதிரான அதிரடி நடவடிக்கையில் பாதுகாப்புப் படையினா் ஈடுபடுகின்றனா். நடப்பாண்டில் இதுவரை மேற்கொள்ளப்பட்ட நடவடிக்கைகளில் 207 நக்ஸல் தீவிரவாதிகள் சுட்டுக் கொல்லப்பட்டனா் 787 நக்ஸல்கள் கைது செய்யப்பட்டனா். 780-க்கும் மேற்பட்ட நக்ஸல்கள் சரணடைந்தனா். 262 ஆயுதங்கள் பறிமுதல் செய்யப்பட்டன என்பது குறிப்பிடத்தக்கது.