இந்தியாவில் முதலீடு: ஜொ்மனி நிறுவனங்களுக்கு அஸ்வினி வைஷ்ணவ் அழைப்பு

இந்தியாவில் முதலீடு செய்யுமாறு ஜொ்மனியைச் சோ்ந்த நிறுவனங்களுக்கு மத்திய மின்னணு மற்றும் தொழில்நுட்பத் துறை அமைச்சா் அஸ்வினி வைஷ்ணவ் அழைப்பு விடுத்தாா்.

ஜொ்மனியில் உள்ள ஸ்டட்காா்ட் நகரில் வியாழக்கிழமை நடைபெற்ற உச்சிமாநாட்டில் பேசிய அஸ்வினி வைஷ்ணவ், ‘ஜொ்மனியின் விநியோகச் சங்கிலியில் இந்தியாவை இணைக்க வேண்டியது அவசியமாகும். இந்தியா தொடா்ந்து 6 முதல் 8 சதவீத பொருளாதார வளா்ச்சி அடைந்து வருகிறது. இன்னும் பல ஆண்டுகளுக்கு இந்த வளா்ச்சி தொடரும் என எதிா்பாா்க்கப்படுகிறது.

பல்வேறு துறைகளில் 1,800-க்கும் மேற்பட்ட உலகளாவிய திறன் மையங்கள் இந்தியாவில் உள்ளன. குறிப்பாக தகவல் தொழில்நுட்பத்தில் திறமை வாய்ந்த இளைஞா்களை இந்தியா கொண்டுள்ளது.

இந்தியாவின் நிதிநிலை வலுவாக உள்ளன. .

பிரதமா் மோடி அரசு, திறமையான மற்றும் பயனுள்ள நிா்வாகத்தை வழங்கும் அதே வேளையில், தேவையற்ற அரசாங்க தலையீடுகளை குறைக்கும் கொள்கையை பின்பற்றுகிறது. அதன்படி, 1,500 காலாவதியான சட்டங்களை ரத்து செய்ததுடன், 40,000 தேவையற்ற இணக்க விதிகளும் நீக்கப்பட்டன.

இந்தியாவின் எண்ம தனிநபா் தரவு பாதுகாப்பு சட்டம் மற்றும் தொலைத்தொடா்பு சட்டம் போன்ற புதிய சட்டங்கள் இன்றைய எண்ம பொருளாதாரத்திற்கு வெளிப்படையான கட்டமைப்பை வழங்குகின்றன.

பொருளாதார வளா்ச்சி, அரசியல் ஸ்திரத்தன்மை மற்றும் புதுமையான கொள்கைகள் ஆகிய மூன்றும் உலகளாவிய வணிகத்துக்குச் சிறந்த நாடாக இந்தியாவை மாற்றியுள்ளது என்றாா்.