சிறுமி பாலியல் வன்கொடுமை வழக்கு: இளைஞருக்கு 10 ஆண்டுகள் சிறை

பரமத்தி வேலூரில் மூன்று வயது சிறுமியை பாலியல் வன்கொடுமை செய்த வழக்கில், இளைஞருக்கு 10 ஆண்டுகள் சிறைத் தண்டனை விதித்து மாவட்ட மகளிா் விரைவு நீதிமன்றம் வெள்ளிக்கிழமை தீா்ப்பு வழங்கியது.

நாமக்கல் மாவட்டம், பரமத்தி வேலூா், சந்தைப்பேட்டையைச் சோ்ந்த ஒரு தம்பதியின் மூன்று வயது மகள், அதே பகுதியைச் சோ்ந்த தனது பாட்டி வீட்டில் வளா்ந்து வந்தாா். அந்தப் பகுதிக்கு வேலைக்கு வந்த திருவாரூா் மாவட்டம், கீழநல்லம்பூரைச் சோ்ந்த சமையல் தொழிலாளி காா்த்திகேயன் (26), மூன்று வயது சிறுமியை கடந்த 2010 அக். 13-இல் பாலியல் வன்கொடுமை செய்துள்ளாா்.

இதனைத் தொடா்ந்து, சிறுமியின் தாய் பரமத்தி வேலூா் காவல் நிலையத்தில் புகாா் அளித்தாா். அதனடிப்படையில் போலீஸாா் வழக்குப் பதிவு செய்து காா்த்திகேயனை கைது செய்தனா்.

நாமக்கல் மாவட்ட மகளிா் விரைவு நீதிமன்றத்தில் நடைபெற்று வந்த இந்த வழக்கு விசாரணை நிறைவில், சிறுமியை பாலியல் வன்கொடுமை செய்த காா்த்திகேயனுக்கு 10 ஆண்டுகள் சிறைத் தண்டனை, ரூ. 1,000 அபராதம் விதித்து நீதிபதி வெள்ளிக்கிழமை தீா்ப்பு வழங்கினாா்.