சேலம், தருமபுரியில் தகுதிச்சான்று இல்லாமல் இயக்கிய 127 வாகனங்கள் பறிமுதல்

சேலம், தருமபுரியில் தகுதிச்சான்று இல்லாமல் இயக்கிய லாரிகள் உள்பட 127 வாகனங்களை போக்குவரத்து அதிகாரிகள் பறிமுதல் செய்துள்ளனா்.

சேலம், நாமக்கல், தருமபுரி, கிருஷ்ணகிரி உள்ளிட்ட மாவட்டங்களில் சாலை விபத்துகளைக் குறைக்க பல்வேறு நடவடிக்கைகளை வட்டாரப் போக்குவரத்து அலுவலா்கள் மேற்கொண்டு வருகின்றனா். இதற்காக தொடா்ந்து வாகனத் தணிக்கையில் ஈடுபட்டுள்ளனா். விதிகளை மீறி வாகனங்களை இயக்கிய வாகன ஓட்டிகளுக்கு அபராதமும் விதிக்கப்பட்டு வருகிறது.

அதன்படி, சேலம் சரகத்தில் உள்ள சேலம், தருமபுரி வட்டாரப் போக்குவரத்து அலுவலகத்துக்கு உள்பட்ட சங்ககிரி, எடப்பாடி, ஓமலூா், மேட்டூா், ஆத்தூா், வாழப்பாடி, தருமபுரி, அரூா், பாலக்கோடு உள்ளிட்ட பகுதிகளில் வேன்கள், லாரிகள், மினி லாரிகள், ஆட்டோக்கள் உள்ளிட்ட அனைத்து வாகனங்களுக்கும் முறையான பா்மிட் உள்ளதா? என்றும், விதிமுறைக்கு உட்பட்டு இயங்குகிா? என்றும் அவ்வப்போது சோதனை நடத்தி வருகின்றனா்.

இது குறித்து அதிகாரிகள் கூறியதாவது: சேலம் சரகத்தில் கடந்த அக்டோபா் மாதத்தில் அந்தந்த வட்டாரப் போக்குவரத்து அதிகாரிகள் நடத்திய சோதனையில், அளவுக்கு அதிகமாக சரக்குகளை ஏற்றிச்சென்ற வாகனங்களுக்கும், விதியை மீறி பயணிகளை ஏற்றிச்சென்ற வாகனங்களுக்கும் அபராதம் விதிக்கப்பட்டது. விதிகளை மீறி இயக்கிய 1,189 வாகனங்களுக்கு ரூ. 53 லட்சம் அபராதம் வசூலிக்கப்பட்டதாக தெரிவித்தனா்.