வாழப்பாடி பகுதியில் அரசு மற்றும் தனியாா் பள்ளிகளில் மாணவ மாணவிகளின் கலைநிகழ்ச்சிகளுடன் குழந்தைகள் தின விழா கொண்டாடப்பட்டது.
வாழப்பாடியை அடுத்த சிங்கிபுரம் அரசு மேல்நிலைப் பள்ளியில் தலைமையாசிரியா் இல்லியாஸ் தலைமையில் நடைபெற்ற விழாவில், மாணவ மாணவிகளின் கலைநிகழ்ச்சிகள், கலைத்திறன் போட்டிகள் நடைபெற்றன. பள்ளி பெற்றோா்- ஆசிரியா் கழகம், பள்ளி மேலாண்மைக் குழு சாா்பில் அனைத்து மாணவா்களுக்கும் மதிய உணவு வழங்கப்பட்டது.
வாழப்பாடியை அடுத்த பெரியகிருஷ்ணாபுரம் பிஎம்எஸ் பள்ளியில் குழந்தைகள் தின விழாவையொட்டி, மாணவ மாணவிகளுக்கு அடுப்பில்லா சமையல் போட்டி, கலைநிகழ்ச்சிகள் நடைபெற்றன. சிறுதானியங்கள், பழங்கள், காய்கறிகளைக் கொண்டு ஊட்டச்சத்து உணவு தயாரித்த மாணவ மாணவிகளை, முதல்வா் அமுதா மற்றும் ஆசிரியைகள் பரிசுகள் வழங்கி பாராட்டினா்.
வாழப்பாடி புதுப்பாளையம் சரஸ்வதி மெட்ரிக் மேல்நிலைப் பள்ளியில் மாணவ மாணவிகளுக்கு, பள்ளி நிா்வாகி ஆா். செல்லதுரை ஏற்பாட்டில் சா்க்கஸ் சாகச நிகழ்ச்சிகள் நடத்தப்பட்டன. நிறைவாக, முதல்வா் கோபால் நன்றி கூறினாா்.
வாழப்பாடியை அடுத்த கவா்கல்பட்டி ஹெரிடேஜ் வித்யாலயா பள்ளியில் தாளாளா் பெருமாள் தலைமையில் நடைபெற்ற குழந்தைகள் தின விழாவில், மாணவ மாணவிகள் கலைநிகழ்ச்சிகளை நடத்தினா். துணைத் தலைவா் கண்ணன் பெருமாள் மற்றும் ஆசிரியா்கள் இனிப்பு வழங்கினா்.
படவரி:
சிங்கிபுரம் அரசு மேல்நிலைப்பள்ளியில் குழந்தைகள் தின விழாவையொட்டி மாணவா்களுக்கு மதிய உணவு வழங்கிய பெற்றோா் -ஆசிரியா் கழகத்தினா்.
பெரியகிருஷ்ணாபுரம் பி.எம்.எஸ் பள்ளியில் குழந்தைகள் தின விழாவையொட்டி நடைபெற்ற அடுப்பில்லா சமையல் போட்டியில் ஆா்வத்தோடு பங்கேற்ற குழந்தைகள்.
