செய்திகள் :

டாட்டன்ஹாமை வென்றது செல்ஸி

post image

இங்கிலாந்து பிரீமியா் லீக் கால்பந்து போட்டியில் செல்ஸி 1-0 கோல் கணக்கில் டாட்டன்ஹாமை வெள்ளிக்கிழமை வீழ்த்தியது.

இந்த ஆட்டத்தில் அந்த அணிக்காக என்ஸோ ஃபொ்னாண்டஸ் 50-ஆவது நிமிஷத்தில் கோலடித்தாா். இதன்மூலம், தொடா்ந்து 2-ஆவது சீசனாக டாட்டன்ஹாம் அணியை லீக் சுற்றின் 2 ஆட்டங்களிலுமே செல்ஸி வென்றிருக்கிறது.

தற்போது புள்ளிகள் பட்டியலில் செல்ஸி அணி, 52 புள்ளிகளுடன் 4-ஆவது இடத்துக்கு முன்னேறியிருக்கிறது. டாட்டன்ஹாம் 34 புள்ளிகளுடன் 14-ஆவது இடத்தில் இருக்கிறது.

இதர ஆட்டங்களில், லிவா்பூல் 1-0 கோல் கணக்கில் எவா்டனை வென்றது. அந்த அணிக்காக டியோகோ ஜோட்டா 57-ஆவது நிமிஷத்தில் ஸ்கோா் செய்தாா்.

புள்ளிகள் பட்டியலில் லிவா்பூல் 73 புள்ளிகளுடன் முதலிடத்தில் ஆதிக்கம் செலுத்தி வருவது குறிப்பிடத்தக்கது. எவா்டன் 34 புள்ளிகளுடன் 15-ஆவது இடத்தில் உள்ளது.

மற்றொரு ஆட்டத்தில் மான்செஸ்டா் சிட்டி 2-0 கோல் கணக்கில் லெய்செஸ்டா் சிட்டியை தோற்கடித்தது. அந்த அணி தரப்பில் ஜாக் கிரேலிஷ் (2’), ஒமா் மா்முஷ் (29’) ஆகியோா் கோலடித்தனா். பட்டியலில் தற்போது மான்செஸ்டா் சிட்டி 51 புள்ளிகளுடன் 5-ஆம் இடத்திலும், லெய்செஸ்டா் சிட்டி 17 புள்ளிகளுடன் 19-ஆவது இடத்திலும் உள்ளன.

நியூகேஸில் 2-1 கோல் கணக்கில் பிரென்ட்ஃபோா்டை வென்ற ஆட்டத்தில், அந்த அணிக்காக அலெக்ஸாண்டா் ஐசக் (45+2’), சாண்ட்ரோ டொனாலி (74’) ஆகியோா் கோலடிக்க, பிரென்ட்ஃபோா்டுக்காக பிரயன் பியுமோ (66’) ஸ்கோா் செய்தாா். புள்ளிகள் பட்டியலில்நியூகேஸில் 50 புள்ளிகளுடன் 6-ஆம் இடத்திலும், பிரென்ட்ஃபோா்டு 41 புள்ளிகளுடன் 11-ஆவது இடத்திலும் உள்ளன.

இதனிடையே, ஆஸ்டன் வில்லா - பிரைட்டனையும் (3-0), இப்ஸ்விச் டௌன் - போா்ன்மௌத்தையும் (2-1) வெல்ல, சௌதாம்டன் - கிரிஸ்டல் பேலஸ் மோதல் டிரா (1-1) ஆனது.

2 கோல்கள் அடித்த ரொனால்டோ: சௌதி லீக்கில் அல்-நசீர் முன்னேற்றம்!

சௌதி புரோ லீக் கால்பந்து தொடரில் அல்-நசீர் அணிக்காக பிரபல கால்பந்து வீரர் கிறிஸ்டியானோ ரொனால்டோ 2 கோல்கள் அடித்து அசத்தினார். சௌதி புரோ லீக் கால்பந்து தொடரில் அல்-நசீர் தனது 26ஆவது போட்டியில் அல்-ஹிலா... மேலும் பார்க்க

இன்றைய தினப்பலன்கள்!

12 ராசிக்கான தினப்பலன்களை தினமணி இணையதளத்தின் ஜோதிடர் பெருங்குளம் ராமகிருஷ்ணன் துல்லியமாகக் கணித்து வழங்கியுள்ளார்.சனிக்கிழமைஏப்ரல் 05மேஷம்:கிரகநிலை:தைரிய ஸ்தானத்தில் ராஹூ - ரண, ருண ஸ்தானத்தில் செவ்வா... மேலும் பார்க்க

தேசிய ஹாக்கி: ராஜஸ்தான் வெற்றி

உத்தர பிரதேசத்தில் நடைபெறும் 15-ஆவது சீனியா் ஆடவா் தேசிய ஹாக்கி சாம்பியன்ஷிப்பில் ராஜஸ்தான், அருணாசல பிரதேசம், சத்தீஸ்கா் உள்ளிட்ட அணிகள் வெற்றி பெற்றன.ஜான்சி நகரில் வெள்ளிக்கிழமை தொடங்கிய இந்தப் போட்... மேலும் பார்க்க

உலக குத்துச்சண்டை: இறுதிச்சுற்றில் ஹிதேஷ்

பிரேஸிலில் நடைபெறும் உலகக் கோப்பை குத்துச்சண்டை போட்டியில் இந்தியாவின் ஹிதேஷ் இறுதிச்சுற்றுக்கு முன்னேறியுள்ளாா்.ஆடவா் 70 கிலோ எடைப் பிரிவில் களம் கண்டுள்ள அவா், அரையிறுதியில் 5-0 என்ற புள்ளிகள் கணக்க... மேலும் பார்க்க

கீஸ், கசாட்கினா வெளியேறினா்

அமெரிக்காவில் நடைபெறும் சாா்லஸ்டன் ஓபன் மகளிா் டென்னிஸ் போட்டியில், முன்னணி வீராங்கனைகளான மேடிசன் கீஸ், டரியா கசாட்கினா ஆகியோா் வெள்ளிக்கிழமை தோல்வி கண்டு போட்டியிலிருந்து வெளியேறினா். மகளிா் ஒற்றையா்... மேலும் பார்க்க

கூடைப்பந்து: கொழும்பை வீழ்த்தியது தமிழ்நாடு

தெற்காசிய கிளப் கூடைப்பந்து போட்டியில் தமிழ்நாடு 110-54 என்ற புள்ளிகள் கணக்கில் கொழும்பு அணியை வெள்ளிக்கிழமை வென்றது. சென்னை வேப்பேரியில் உள்ள நேரு உள்விளையாட்டு அரங்கில் நடைபெறும் இந்தப் போட்டியில், ... மேலும் பார்க்க