தேர்தல் ஆணையமே தப்பிக்க பார்க்காதே! -ராகுல் காந்தியின் கடும் விமர்சனம்
அமெரிக்க அதிபர் டொனால்ட் டிரம்ப் மீதான பாலியல் குற்றச்சாட்டு தொடர்பான பதிவை எலான் மஸ்க் நீக்கியுள்ளார்.
அமெரிக்க அரசு கொண்டு வந்த வரி மற்றும் செலவு மசோதாவால், அந்நாட்டு அதிபர் டொனால்ட் டிரம்ப்புக்கும் டெஸ்லா நிறுவனரும் டிரம்ப்பின் தீவிர ஆதரவாளராக இருந்தவருமான எலான் மஸ்க்குக்கும் இடையிலான நட்புறவில் விரிசல் ஏற்பட்டது.
இதன் தொடர்ச்சியாக, இருவரும் ஒருவரையொருவர் குற்றஞ்சாட்டி, பொதுவெளியிலேயே (சமூக ஊடகங்களில்) சண்டையிட்டனர்.
மேலும், பாலியல் குற்றத்தில் ஈடுபட்டதாகக் குற்றஞ்சாட்டப்பட்டஜெஃப்ரி எப்ஸ்டைன் தொடர்பாக வெளியிடப்படாத ஆவணங்களில் டிரம்ப் பெயர் குறிப்பிடப்பட்டிருந்ததாக எலான் மஸ்க் நேரடியாக குற்றஞ்சாட்டினார்.
எப்ஸ்டைன் ஆவணங்களில் டொனால்ட் டிரம்ப் பெயர் இருந்தது. அதனால்தான் அது பொது வெளியில் வெளியிடப்படவில்லை என்றும் குறிப்பிட்டார் எலான் மஸ்க். அவரின் இந்தக் குற்றச்சாட்டை மிக துரதிருஷ்டவசமான சம்பவம் என்று வெள்ளை மாளிகையும் விமர்சித்தது.
இந்த நிலையில், எப்ஸ்டைன் தொடர்பான ஆவணங்களில் டிரம்ப் பெயர் இருப்பதாக, தான் பதிவிட்ட பதிவை எலான் மஸ்க் நீக்கியுள்ளார்.
