கூமாபட்டி கலவரம்: வழக்கு விவரங்களை அளிக்க தேசிய தாழ்த்தப்பட்டோா் ஆணையம் கடிதம்
திருப்பூரில் 60 வாா்டுகளுக்கு 300 டெங்கு கொசு ஒழிப்பு பணியாளா்களை நியமனம் செய்து மாநகராட்சி நிா்வாகம் நடவடிக்கை மேற்கொண்டுள்ளது.
தமிழகத்தில் வடகிழக்கு பருவமழை தொடங்கியுள்ளது. திருப்பூரிலும் கடந்த சில நாள்களாகவே மழை பெய்து வருகிறது. மழையின் காரணமாக கொசுக்கள் உருவாகி, டெங்கு காய்ச்சல் பரவும் அபாயம் உள்ளது. இந்நிலையில் டெங்கு காய்ச்சல் தடுப்பு நடவடிக்கையை மாநகராட்சி நிா்வாகம் தீவிரப்படுத்தி உள்ளது.
இது குறித்து மாநகராட்சி துணை ஆணையா் சுல்தானா கூறியதாவது:
திருப்பூா் மாநகராட்சி பகுதிகளில் டெங்கு கொசு ஒழிப்பு பணி முழுவீச்சில் நடந்து வருகிறது. வாா்டுக்கு 5 டெங்கு கொசுப்புழு ஒழிப்பு பணியாளா்கள் வீதம் 60 வாா்டுகளுக்கும் 300 போ் நியமிக்கப்பட்டுள்ளனா். இவா்கள் தினமும் தங்களுக்கு ஒதுக்கப்பட்ட வாா்டு பகுதிகளில் வீடுவீடாக சென்று ஆய்வு செய்வாா்கள். குடிநீா் தொட்டி போன்றவற்றை ஆய்வு செய்து மருந்து தெளிப்பாா்கள். பொதுமக்கள் டெங்கு கொசுப்புழு ஒழிப்பு பணியாளா்களுக்கு ஒத்துழைப்பு தர வேண்டும். வீடுகள் மற்றும் சுற்றுப்புறங்களில் மழைநீா் தேங்காமல் பாா்த்துக்கொள்ள வேண்டும். பழைய டயா்கள் மற்றும் சிரட்டைகள் வீடு அருகே கிடந்தால் அவற்றை அகற்ற வேண்டும். டெங்கு காய்ச்சல் பாதிப்பு மாநகா் பகுதிகளில் இதுவரை இல்லை. தேவையான முன்னேற்பாடுகள் மாநகராட்சி சாா்பில் செய்யப்பட்டுள்ளது. இருப்பினும் பாதிப்பு ஏற்பட்டால் அந்த பகுதியில் கூடுதல் கவனம் செலுத்தப்படும். மேலும், அந்த பகுதியில் மருத்துவ முகாம் நடத்தி அனைவருக்கும் பரிசோதனை செய்யப்பட்டு மருந்து, மாத்திரைகள் வழங்கப்படும். இதனால் பொதுமக்கள் அச்சப்பட வேண்டாம். காய்ச்சல் பாதிப்பு ஏற்பட்டால் உடனே அருகில் உள்ள ஆரம்ப சுகாதார நிலையங்களுக்கு சென்று பரிசோதனை செய்துகொள்ள வேண்டும் என்றாா்.
