அந்தியூரில் கோயில் நிலத்தில் அரசுக் கல்லூரி கட்டுவதற்கு எதிா்ப்பு
தமிழக காவல் துறையில் ஒரே நாளில் 2,153 காவலா்கள் சனிக்கிழமை பணியிட மாற்றம் செய்யப்பட்டனா்.
இது குறித்த விவரம்: தமிழக காவல் துறையில் நிா்வாக வசதிக்காகவும், விருப்பத்தின் அடிப்படையிலும், பணியில் ஒழுங்கீனமாக இருந்தாலும் அவ்வப்போது போலீஸாா் பணியிட மாற்றம் செய்யப்படுகின்றனா்.
இந்நிலையில், மாவட்டம் விட்டு மாவட்டமும், மாநகரம் விட்டு மாநகரமும் பணியிட மாற்றம் தொடா்பாக காவல் துறை தலைமை இயக்குநா் சங்கா் ஜிவாலிடம் காவலா்கள் மனு அளித்தனா். இந்த மனுக்களை சென்னை டிஜிபி அலுவலகத்தில் வாரந்தோறும் நடைபெறும் காவலா் குறை தீா்க்கும் முகாமின்போதும், சங்கா் ஜிவால் வெளி மாவட்டங்களுக்கு ஆய்வுக்குச் செல்லும்போது காவலா்கள் அளித்தனா்.
மனுக்களில் தகுதியுடைவா்களைக் கண்டறிந்து, மாநிலம் முழுவதும் காவலா்கள், முதல்நிலைக் காவலா்கள், தலைமைக் காவலா்கள், சிறப்பு உதவி ஆய்வாளா்கள் ஆகிய நிலைகளில் பணியாற்றும் 2,153 பேரை பணியிட மாற்றம் செய்து டிஜிபி சனிக்கிழமை உத்தரவிட்டாா்.
இதில் காவல் துறையின் சிறப்புப் பிரிவில் பணியாற்றுபவா்கள், நிா்வாக ரீதியாக ஏற்கெனவே கடந்த ஓராண்டுக்குள் பணியிட மாற்றம் செய்யப்பட்டவா்கள், புகாரில் சிக்கி பணியிட மாற்றம் செய்யப்பட்டவா்கள், விளையாட்டுப் போட்டிகளுக்காகப் பணியாற்றும் காவலா்கள் ஆகியோா் இந்தப் பணியிட மாற்ற பட்டியலில் இருந்தால், அவா்களை ஏற்கெனவே பணியாற்றும் இடத்தில் இருந்து விடுவிக்க வேண்டாம், அவா்கள் குறித்த தகவல்களை அந்தந்த மாவட்ட மற்றும் மாநகர காவல் துறை அலுவலகங்கள் காவல் துறை தலைமை அலுவலகத்துக்கு தெரிவிக்க வேண்டும் என்று டிஜிபி அறிவுறுத்தியுள்ளாா்.
மற்ற அனைவரும் உடனடியாக ஏற்கெனவே பணிபுரியும் இடத்தில் இருந்து விடுவித்துக் கொண்டு, புதிய பணியிடத்தில் சோ்ந்து கொள்ளலாம் என்றும் டிஜிபி தனது உத்தரவில் குறிப்பிட்டுள்ளாா்.
