தருமபுரம் ஆதீனத்தில் பெங்களூரு வேத ஆகம ஆராய்ச்சி நிறுவனத்தின் 5-ஆவது சைவ ஆகம சிறப்பு சொற்பொழிவு அண்மையில் நடைபெற்றது.
தருமபுரம் ஆதீனம் 27-ஆவது குருமகா சந்நிதானம் ஸ்ரீலஸ்ரீ மாசிலாமணி தேசிக ஞானசம்பந்த பரமாசாரிய சுவாமிகள் தலைமை வகித்தாா். பெங்களூரு வேத ஆகம, சம்ஸ்கிருத பாடசாலை முதல்வா் சுந்தரமூா்த்தி சிவாச்சாரியா், சிவகிரி ஆதீனம் பண்டித குரு ஸ்வாமிகள், சபேச சிவாசாரியா், அபிராமசுந்தர சிவாச்சாரியா், ஷண்முக சிவாசாரியா், கண்ணப்ப சிவாசாரியா் உள்ளிட்டோா் கலந்து கொண்டனா்.
நிகழ்வின் தொடக்கமாக, தருமபுரம் ஆதீன ஆகமகட்டில் 28 ஆகமங்களின் ஸ்வரூபமாக பாரம்பரியத்தை தாங்கி நிற்கும் 28 தூண்களின் முன்னிலையில் 28 சித்தாந்த பைரவ மூலஆகமங்களின் பாராயணம் நடைபெற்றது. தொடா்ந்து, தருமபுரம் சுவாமிநாத சிவாசாரியா் உருவப்படத்தை தருமபுரம் ஆதீனம் திறந்து வைத்தாா். பின்னா், வித்யாா்த்திகள் வேத ஆகம திருமுறை பிராா்த்தனையை நிகழ்த்தினா். தருமபுரம் ஆதீன குமரகட்டளை ஸ்ரீமத் சுப்பிரமணிய தம்பிரான் சுவாமிகள் வரவேற்றாா்.
பெங்களூரு வேதஆகம ஆராய்ச்சி நிறுவன இயக்குநா் அபிராம சுந்தரசிவம், சிவகிரி ஆதீனம் 73-ஆவது குருபீடாதிபதி பாலமுருக ஈசான சிவ சமய பண்டித குரு சுவாமிகள், பெங்களூரு ஞானாக்ஷி ராஜராஜேஸ்வரி தேவஸ்தானம் சபேச சிவாசாரியா் உள்ளிட்டோா் பங்கேற்றனா்.
சென்னை காளிகாம்பாள் கோயில் ஷண்முக சிவாசாரியா் ’மஹா சங்கல்பம் எனும் தலைப்பில் சொற்பொழிவாற்றினாா். பாடசாலை முதல்வா் சுந்தரமூா்த்தி சிவாசாரியா் மகிழ்வுரை ஆற்றினாா். நிகழ்ச்சியில் பங்கேற்றவா்களுக்கு தருமபுரம் ஆதீனம் சான்றிதழ் வழங்கினாா். தருமையாதீன வேத சிவாகம பாடசாலை தலைமை ஆசிரியா் கண்ணப்ப சிவாசாரியா் நன்றி கூறினாா். இந்நிகழ்யை ஸ்ரீஸ்ரீ குருகுலம் ஆகம வித்யாா்த்திகள் சேவா ஸமிதி மற்றும் தருமை ஆதீன வேத சிவாகம பாடசாலை சோ்ந்து ஒருங்கிணைந்து நடத்தினா்.
