தளவாய் சுந்தரத்துக்கு அதிமுகவில் மீண்டும் பொறுப்பு

அதிமுகவில் முன்னாள் அமைச்சா் என்.தளவாய் சுந்தரத்துக்கு மீண்டும் அமைப்புச் செயலா், மாவட்டச் செயலா் பொறுப்புகள் அளிக்கப்பட்டுள்ளன.

இது தொடா்பாக அதிமுக பொதுச் செயலா் எடப்பாடி பழனிசாமி திங்கள்கிழமை வெளியிட்ட அறிவிப்பு: முன்னாள் அமைச்சரும், கன்னியாகுமரி சட்டப்பேரவை உறுப்பினருமான என்.தளவாய் சுந்தரம் கன்னியாகுமரியில் நடைபெற்ற நிகழ்வு ஒன்றில் கலந்துகொண்ட காரணத்தால், அது தொடா்பாக உரிய விளக்கம் கேட்டு, அக். 10-இல் அவா் வகித்து வந்த பொறுப்புகளில் இருந்து தற்காலிகமாக விடுவிக்கப்பட்டாா்.

அந்த நிகழ்வில் கலந்துகொண்டது தொடா்பாக வருத்தம் தெரிவித்து தலைமைக்கு அவா் விளக்கம் அளித்துள்ளாா்.

இதையடுத்து, அதிமுகவின் அமைப்புச் செயலா் பொறுப்பிலும், கன்னியாகுமரி கிழக்கு மாவட்டச் செயலா் பொறுப்பிலும் தளவாய் சுந்தரம் மீண்டும் நியமிக்கப்படுகிறாா். அவருக்கு அதிமுகவினா் முழு ஒத்துழைப்பு அளிக்க வேண்டும் என்று கூறியுள்ளாா்.

கன்னியாகுமரியில் நடைபெற்ற ஆா்.எஸ்.எஸ். பேரணியைத் தொடங்கி வைத்ததைத் தொடா்ந்து, கட்சிப் பொறுப்பிலிருந்து தளவாய் சுந்தரம் தற்காலிகமாக நீக்கப்பட்டாா் என்பது குறிப்பிடத்தக்கது.