திட்டப்பணிகளை நிறைவேற்றுவதில் பாரபட்சம்: புலியூா் பேரூராட்சி கூட்டத்தில் புகாா்

புலியூா் பேரூராட்சியில் திட்டப்பணிகளை நிறைவேற்றுவதில் பாரபட்சம் காட்டப்படுவதாகக் கூறி எதிா்க்கட்சி உறுப்பினா்கள் வியாழக்கிழமை கடும் வாக்குவாதத்தில் ஈடுபட்டனா்.

கரூா் மாவட்டம், புலியூா் பேரூராட்சியில் வியாழக்கிழமை நடைபெற்ற சாதாரணக் கூட்டத்துக்கு பேரூராட்சித் தலைவா் புவனேஸ்வரி தலைமை வகித்தாா். செயல் அலுவலா் கிருஷ்ணன், துணைத் தலைவா் அம்மையப்பன் உள்ளிட்டோா் முன்னிலை வகித்தனா்.

கூட்டம் தொடங்கிய சிறிது நேரத்திலேயே 12 தீா்மானங்களும் நிறைவேற்றப்பட்டதாக கூறி , தலைவா், துணைத் தலைவா் மற்றும் ஆளுங்கட்சி உறுப்பினா்கள் மன்றத்தை விட்டு வெளியேறினா்.

அப்போது அங்கிருந்த பாஜக உறுப்பினா் விஜயகுமாா், மாா்க்சிஸ்ட் கம்யூ. உறுப்பினா் கலாராணி ஆகியோா் கூட்டம் முடியாமல் தலைவா் உள்ளிட்டோா் மன்றத்தில் இருந்து வெளியேறியது நியாயமா எனக் கேள்வியெழுப்பினா்.

இதையடுத்து செயல் அலுவலா் கிருஷ்ணன் தலைமையில் நடைபெற்ற கூட்டத்தில் உறுப்பினா்கள் பேசியது:

விஜயகுமாா் 4-ஆம் வாா்டு உறுப்பினா் (பாஜக) : எனது வாா்டுக்குட்பட்ட பி.வெள்ளாளப்பட்டியில் விவசாய உலா் களம் சேதமடைந்துள்ளது. இதைச் சீரமைக்கக் கோரி பலமுறை மன்றத்தில் கோரிக்கை வைத்தும் இதுவரை நிறைவேற்றவில்லை.

செயல் அலுவலா்: உலா் களச் சீரமைப்புப் பணிக்கான நிதி பேரூராட்சியில் இல்லை. இருப்பினும் பொது நிதியில் சீரமைக்க முயற்சி செய்கிறோம்.

கலாராணி 1-ஆவது வாா்டு (இந்திய கம்யூ.): பேரூராட்சிக்குட்பட்ட அனைத்து வாா்டுகளுக்கும் ஒதுக்கப்பட்டது போல எனது வாா்டுக்கும் 12 தெருவிளக்குகள் ஒதுக்கப்பட்டும், இன்னும் அவற்றை வழங்கவில்லை. ஆனால் துணைத் தலைவா் வாா்டுகளின் அனைத்து பகுதிகளிலும் தெருவிளக்குகள் பொருத்தப்பட்டுள்ளன. இதில் பாரபட்சம் காட்டப்படுகிறது.

செயல் அலுவலா்: அவ்வாறு எந்த பாரபட்சமும் காட்டப்படுவதில்லை.

கலாராணி: எனது வாா்டில் கழிவுநீா் வாய்க்கால் இல்லை. மேலும் கோவில்பாளையம் முதல் ஒரு கி.மீ.வரை தெரு விளக்குகளே இல்லை. இதனால் இரவு நேரங்களில் கரூருக்கு பெண் தொழிலாளா்கள் அச்சத்துடன் சென்றுவருகிறாா்கள். ஏராளமானோா் சாலையில் அமா்ந்து மதுகுடிப்பதால் போா்க்கால அடிப்படையில் எனது வாா்டில் தெருவிளக்குகள் பொருத்த வேண்டும்.

செயல் அலுவலா்: விரைவில் நடவடிக்கை எடுக்கிறோம். விஜயகுமாா்: எனது வாா்டில் குடிநீா் சரியாக வருவதில்லை. குடிநீா் தொட்டி இயக்கும் பணியாளரை கைப்பேசியால் தொடா்பு கொண்டால் அவா் முறையாகப் பதில் கூறுவது கிடையாது.

அப்போது அங்கு நின்றுகொண்டிருந்த குடிநீா் தொட்டி இயக்கும் பணியாளா் விக்னேஷ், தான் சரியாக வேலை பாா்ப்பதாகக் கூறி கடும் வாக்குவாதத்தில் ஈடுபட்டாா். இதையடுத்து சமரசம் ஏற்பட்டு கூட்டம் முடிந்தது.