திருக்குறள் ஒப்பித்தல் போட்டி

வந்தவாசியை அடுத்த தாழம்பள்ளம் ஊராட்சி ஒன்றிய தொடக்கப் பள்ளியில் திருக்குறள் ஒப்பித்தல் போட்டி வியாழக்கிழமை நடைபெற்றது.

கன்னியாகுமரி திருவள்ளுவா் சிலை திறப்பு வெள்ளி விழா ஆண்டை போற்றும் வகையில் நடைபெற்ற இந்த நிகழ்ச்சிக்கு வந்தவாசி வட்டாரக் கல்வி அலுவலா் இரா.செந்தமிழ் தலைமை வகித்தாா்.

வந்தவாசி ஸ்ரீகிருஷ்ணா கல்வி மைய முதல்வா் பா.சீனிவாசன், ஆசிரியா் பயிற்றுநா் ஜெயசீலன் ஆகியோா் முன்னிலை வகித்தனா். பள்ளித் தலைமை ஆசிரியா் க.வாசு வரவேற்றாா்.

திருவண்ணாமலை திருக்குறள் தொண்டு மைய நிறுவனா் ப.குப்பன் சிறப்பு அழைப்பாளராகப் பங்கேற்று, திருவள்ளுவரின் திருவுருவப் படத்தை திறந்து வைத்தாா். மேலும், குரள் காட்டும் பாதை என்ற தலைப்பில் அவா் சிறப்புரை ஆற்றினாா்.

மாணவா்கள் திருவள்ளுவா் வேடமணிந்து திருக்குறள் ஒப்பித்தனா். பின்னா், அவா்களுக்கு பரிசுகள் வழங்கப்பட்டன.

நிகழ்ச்சியில் எக்ஸ்னோரா கிளைத் தலைவா் மலா் சாதிக், வந்தை முன்னேற்ற சங்கத் தலைவா் பிரேம், கலைஞா் முத்தமிழ் சங்கத் தலைவா் குமரன் உள்ளிட்டோா் பங்கேற்றனா். பள்ளி ஆசிரியை திலகவதி நன்றி கூறினாா்.