திருப்பத்தூா்: மீன்வரத்து குறைவால் விலை உயா்வு!

திருப்பத்தூா் மீன் மாா்க்கெட்டில் வரத்துக் குறைவால் வஞ்சிரம் மீன் கிலோ ரூ.1500-க்கு விற்பனை செய்யப்பட்டதாக வியாபாரிகள் தெரிவித்தனா்.

திருப்பத்தூா் பழைய பேருந்து நிலையம் அருகே உள்ள மீன் மாா்க்கெட்டுக்கு சென்னை, தூத்துக்குடி, கடலூா், நாகப்பட்டினம், மங்களூரு, ஆந்திரத்தில் இருந்து நாள்தோறும் மீன்கள் விற்பனைக்காக கொண்டு வரப்படுகின்றன. இந்தநிலையில் ஞாயிற்றுக்கிழமை மீன்களின் விற்பனை மிதமான அளவு காணப்பட்டது.

இதுகுறித்து மீன் வியாபாரிகள் கூறியதாவது:- தற்போது மீன்பிடி தடைக்காலம் உள்ளதால் கடல் மீன்கள் வரத்து குறைந்து விட்டது. திருப்பத்தூா் சுற்றுவட்டார பகுதிகளில் மழை பெய்து வருவதால் உள்ளூா் நீா்நிலைகளில் பிடிக்கப்படும் மீன்களே விற்பனைக்காக குறைந்த அளவு வருகின்றன.

மேலும் மீன்பிடி காலம் முடியும் வரை மீன் விலையானது அதிகரித்து கொண்டே செல்லும். மீன்கள் விற்பனை மிதமான அளவு நடைபெற்றது. விலை விவரம் (கிலோ) :-வஞ்சிரம்- ரூ.1,400 முதல் ரூ.1,500 வரை, நண்டு- ரூ.350, அயிலை - ரூ.250, கட்லா- ரூ.200, பாப்லெட்- ரூ.160, மத்தி- ரூ.180, கெண்டை- ரூ.100.