திறனறித் தோ்வு: மதுரை மாவட்டத்தில் 10,441 மாணவ, மாணவிகள் எழுதினா்

மேல்நிலை முதலாமாண்டு மாணவ, மாணவிகளுக்காக சனிக்கிழமை நடைபெற்ற திறனறித் தோ்வை மதுரை மாவட்டத்தில் 10, 441 போ் எழுதினா்.

மேல்நிலை முதலாமாண்டு பயிலும் மாணவ, மாணவிகள் தமிழ் மொழி இலக்கியத்தை அறிந்து கொள்ளும் வகையில் ஆண்டுதோறும் திறனறித் தோ்வு நடைபெற்று வருகிறது. இந்தத் தோ்வில் தோ்ச்சி பெறும் மாணவ, மாணவிகளுக்கு மேல்நிலை இரண்டாமாண்டு பயிலும் போது மாதந்தோறும் ரூ. 1,500 வழங்கப்படும்.

அந்த வகையில், மதுரை மாவட்டத்தில் உள்ள 45 மையங்களில் திறனறித் தோ்வு சனிக்கிழமை நடைபெற்றது. இந்தத் தோ்வு எழுத 10,864 மாணவ, மாணவிகள் விண்ணப்பித்திருந்தனா். அவா்களின் 10, 441 போ் தோ்வு எழுதினா். மீதமுள்ள 423 போ் எழுதவில்லை.