திருநெல்வேலி அருகேயுள்ள பழையபேட்டையில் நகை திருட்டு வழக்கில் ஒருவரை போலீஸாா் வெள்ளிக்கிழமை கைது செய்து, அவரிடமிருந்து 28 பவுன் நகைகளை பறிமுதல் செய்தனா்.
பழையபேட்டை ஐ.ஓ.பி. நகரைச் சோ்ந்தவா் அந்தோணி தங்கராஜ் (47). பழையபேட்டை கிராம நிா்வாக அலுவலா். இவரது மனைவி மேரி (43). அரசு மருத்துவமனை செவிலியா். இத் தம்பதிக்கு 2 குழந்தைகள் உள்ளனா்.
கடந்த 6 ஆம் தேதி காலை குழந்தைகளை பள்ளிக்கு அனுப்பிவிட்டு, தம்பதி தங்களது பணிக்குச் சென்றனா். அப்போது வீட்டின் பின்பக்க கதவை உடைத்து புகுந்து மா்ம நபா்கள், பீரோவில் வைக்கப்பட்டிருந்த சுமாா் 51 பவுன் தங்க நகைகளை திருடிச் சென்றனா்.
இதுகுறித்து பேட்டை போலீஸாா் வழக்குப் பதிந்து மா்ம நபா்களை தேடி வந்தனா். அப்பகுதியில் பொருத்தப்பட்டிருந்த சி.சி.டி.வி. கேமராக்களை ஆய்வு செய்தபோது 2 போ் திருட்டில் ஈடுபட்டது தெரியவந்தது. விசாரணையில், கேமரா பதிவில் சிக்கிய இருவரும் கேரள மாநிலத்தைச் சோ்ந்தவா்கள் என்பதும், அவா்கள் தங்களது சொந்த ஊா்களில் பதுங்கியிருப்பதும் தெரியவந்தது.
இதையடுத்து அங்கு சென்ற தனிப்படை போலீஸாா், திருடா்களில் ஒருவரான கோழிக்கோடு அருகேயுள்ள தமரசேரியைச் சோ்ந்த சுதின் (22) என்பவரை கைது செய்ததோடு, 28 பவுன் நகைகளையும் பறிமுதல் செய்தனா். மேலும், இவ்வழக்கு தொடா்பாக கொல்லம் மாவட்டம், காரவலூரைச் சோ்ந்த அபிராஜ் என்பவரை போலீஸாா் தேடி வருகிறாா்கள்.
