`நஞ்சாகும் மஞ்சள்' அதிகப்படியான லெட் கலப்பால் பாதிக்கப்படும் குழந்தைகள் - ஆய்வில் அதிர்ச்சி தகவல்!

இந்தியா, பாகிஸ்தான், நேபால் ஆகிய நாடுகளில் கடைகளில் விற்கப்படும் மஞ்சளில் அளவுக்கு அதிகமான லெட் (ஈயம்) இருப்பது சமீபத்திய ஆய்வில் கண்டறியப்பட்டுள்ளது.

இந்தியாவின் பாட்னா, பாகிஸ்தானின் கராச்சி, பெஷாவார் நகரங்களில் ஒரு கிராம் மஞ்சளில் 1000 மைக்ரோ கிராம் அளவு லெட் இருப்பதைக் கண்டு அதிர்ந்துள்ளனர். இந்தியாவின் உணவு பாதுகாப்பு மற்றும் தர நிர்ணய ஆணையம் (FASSAI) ஒரு கிராம் மஞ்சளில் 10 மைக்ரோகிராம் லெட் இருக்க அனுமதித்துள்ளது. இதற்கு அதிகமாக இருப்பது நச்சு. ஆனால் பல இடங்களில் நிர்ணயிக்கப்பட்டதை விட அதிகமாக உள்ளது.

இந்த ஆய்வுக்காக இந்தியா, பாகிஸ்தான், ஸ்ரீ லங்கா, நேபால் ஆகிய நாடுகளின் 23 நகரங்களில் கடைகளில் விற்கும் மஞ்சளை சோதனைக்கு உட்படுத்தியுள்ளனர். இந்த சோதனை முடிவுகள் சயின்ஸ் ஆஃப் தி டோடல் என்விரோன்மெண்ட் (Science of the Total Environment) இதழில் வெளியாகியிருக்கிறது.

அதிக அளவில் ஈயத்துடன் மஞ்சளை உட்கொள்வது நச்சுத்தன்மைக்கு வழிவகுக்கும். எலும்பில் இருக்கும் கால்சியத்தைப் போல இருக்கும் லெட், முக்கியமாக குழந்தைகளைப் பாதிக்கக் கூடியது. அதிகபடியான லெட் வளர்ச்சிதை மாற்றம் ஏற்படுவதைத் தடுக்கும். நுண்ணறிவு வளர்ச்சியைத் தடுக்கும், இதய மற்றும் சிறுநீரக செயலிழப்புக்கு வழிவகுக்கும்.

இந்தியாவில் கௌஹாத்தி, பாட்னா ஆகிய நகரங்களில் அதிகப்படியான லெட் அளவு கண்டறியப்பட்டுள்ளது. பாலிஷ் செய்யப்பட்ட மஞ்சள் வேர்கள் மிக மோசமாக உள்ளன. அதைத் தொடர்ந்து மஞ்சள் தூள், பிராண்டட் மஞ்சள் தூள் மற்றும் சாதாரண வேர்கள் என அவற்றின் மாசுப்பாட்டின் அடிப்படையில் பட்டியலிடுகின்றனர்.

மஞ்சளில் லெட் சேர்க்கப்படுவது சட்டவிரோதமானது அல்ல, ஆனால் லெட் அளவை உணவு பாதுகாப்பு அதிகாரிகள் கண்காணிக்க வேண்டும். உலக சுகாதார மையம் குறைந்த அளவு கூட லெட் உணவில் கலப்பதை பாதுகாப்பற்றதாகக் கருதுகின்றது. உலக அளவில் 80 கோடி குழந்தைகள் இரத்தத்தில் அதிகப்படியான லெட் கலந்திருப்பதால் பாதிக்கப்பட்டுள்ளனர்.

பெயிண்ட் போன்ற பொருட்களில் கலக்கப்படும் நிறமியான லெட் க்ரோமேட் (Lead Chromate) மஞ்சளில் கலக்கப்படுவதுதான் இந்த சிக்கலுக்கு முக்கிய காரணம் என ஆய்வாளர்கள் கருதுகின்றனர்.

முன்னதாக பங்களாதேஷில் இரண்டாம் தர மஞ்சள் வேர்கள் தோற்றத்தில் பளபளப்பாக இருப்பதற்காக சில தாசாப்தங்களாக லெட் க்ரோமேட் பயன்படுத்தப்பட்டது கண்டறியப்பட்டது. அந்த மஞ்சள் வழங்கப்பட்ட பிராந்தியங்களில் மக்கள் இதனால் பாதிக்கப்பட்டனர்.

தெற்காசியாவில் மஞ்சள் சப்ளை செய்யப்படும் அனைத்து பிராந்தியங்களிலும் ஆய்வு மேற்கொள்ளப்பட்டு நடவடிக்கை எடுக்கப்படும் என்ற கோரிக்கையை முன்வைத்துள்ளது ஆய்வாளர்கள் குழு!

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb