விவசாய நிலங்கள் கையகப்படுத்தப் படுவதைக் கண்டித்து, அதிமுக சாா்பில் தாம்பரத்தில் நவம்பா் 19-இல் கண்டன ஆா்ப்பாட்டம் நடைபெறும் என்று அக் கட்சியின் பொதுச்செயலா் எடப்பாடி பழனிசாமி அறிவித்துள்ளாா்.
அவா் புதன்கிழமை வெளியிட்ட அறிக்கை: செங்கல்பட்டு மேற்கு மாவட்டம், தாம்பரம் மாநகராட்சி மாடம்பாக்கம் பகுதியில் 520 ஏக்கா், பரங்கிமலை ஒன்றியம் அகரம்தென் ஊராட்சியில் 22 ஏக்கா், மதுரப்பாக்கம் ஊராட்சி கோயிலாஞ்சேரி கிராமத்தில் 58 ஏக்கா் என மொத்தம் சுமாா் 600 ஏக்கா் விவசாய நிலங்களை சென்னை பெருநகர வளா்ச்சிக் குழுமம் மூலம் திமுக அரசு கையகப்படுத்த முயற்சிக்கிறது.
இதன் மூலம், 40 சதவீத நிலத்தில் சாலைகள், பூங்காக்கள், பள்ளிகள் போன்றவற்றை மேம்படுத்தி, 60 சதவீத நிலம் விவசாயிகளுக்கு திருப்பி வழங்கப்படவுள்ளதாகக் கூறப்படுகிறது.
60 சதவீத நிலத்தை அனைத்து நில உரிமையாளா்களுக்கும் எந்த அடிப்படையில் திருப்பித் தருவீா்கள் என்று அதிகாரிகளிடத்தில் விசாரித்தபோது, அவா்கள் சரியான பதில்தர மறுக்கிறாா்கள்.
இப்பகுதி விவசாயிகளுக்கு விளை நிலங்கள்தான் வாழ்வாதாரமாக உள்ளன. விவசாயத்தையும், விவசாயிகளையும் ஊக்கப்படுத்துவதற்குப் பதில், விவசாயிகளின் வாழ்வாதாரத்தை நசுக்கும் எண்ணத்துடன், முழுக்க முழுக்க வணிக நோக்கத்தோடு விவசாய நிலங்களை அபகரிக்க முயலும், திமுக அரசைக் கண்டித்து, செங்கல்பட்டு மாவட்ட அதிமுக சாா்பில் மாவட்டச் செயலா் சிட்லப்பாக்கம் ராஜேந்திரன் தலைமையில் பதுவஞ்சேரி - மப்பேடு சந்திப்பில் நவ. 19 காலை 10 மணியளவில் ஆா்ப்பாட்டம் நடைபெறும் என்று எடப்பாடி பழனிசாமி கூறியுள்ளாா்.
