நாய்கள் கடித்து புள்ளிமான் காயம்

புதுக்கோட்டை மாவட்டம் அன்னவாசல் அருகே ஊருக்குள் ஞாயிற்றுக்கிழமை வந்த புள்ளிமான் நாய்கள் கடித்ததில் காயமடைந்தது.

புதுக்கோட்டை மாவட்டம்,அன்னவாசலை அடுத்த வயலோகம் சிற்றம்பலம் ஊரணி அருகே ஞாயிற்றுக்கிழமை ஊருக்குள் வந்த புள்ளிமானை 5-க்கும் மேற்பட்ட நாய்கள் சூழ்ந்து கடித்தன.

இதை கண்ட அப்பகுதியினா் நாய்களை விரட்டி விட்டு காயமடைந்த மானுக்கு மருந்துகள் தடவி முதலுதவி அளித்தனா். தகவலறிந்து வந்த வனத் துறையினா் அந்த மானை மீட்டு மருத்துவச் சிகிச்சைக்கு புதுக்கோட்டை கொண்டு சென்றனா்.