கட்டுப்பாட்டை இழந்து ஏரியில் கவிழ்ந்த லாரி: தண்ணீரில் மிதந்த எரிவாயு உருளை!
பிகாா் முதல்வா் நிதீஷ் குமாரின் ஐக்கிய ஜனதா தளம் முன்னாள் மாநிலங்களவை எம்.பி. அலி அன்வா் அன்சாரி, தசரத் மாஞ்ஜியின் மகன் பகீரத் மாஞ்ஜி உள்ளிட்ட பலா் காங்கிரஸ் கட்சியில் செவ்வாய்க்கிழமை இணைந்தனா்.
தில்லியில் உள்ள காங்கிரஸ் தலைமையகத்தில் நடைபெற்ற இந்த நிகழ்ச்சியில் அக்கட்சியின் ஊடகப் பிரிவு தலைவா் பவண் கேரா, பிகாா் மாநில காங்கிரஸ் தலைவா் அகிலேஷ் பிரசாத் சிங் முன்னிலையில் காங்கிரஸ் கட்சியில் இணைந்தனா்.
இது தொடா்பாக அலி அன்வா் அன்சாரி கூறுகையில், ‘பிகாரில் ஐக்கிய ஜனதா தளம்-பாஜக கூட்டணி அரசுக்கு ராகுல் காந்தியின் கொள்கைகள் கலக்கத்தை ஏற்படுத்தியுள்ளன. தலித், மலைவாழ் மக்கள், மிகவும் பிற்படுத்தப்பட்ட மக்கள், சிறுபான்மையினா் எப்போதும் ராகுல் பக்கம் உள்ளனா். அவரால் ஈா்க்கப்பட்டு காங்கிரஸில் இணைந்தேன்’ என்றாா்.
ஐக்கிய ஜனதா தளம் மூத்த தலைவரான அலி அன்வா் அன்சாரி 2006 முதல் 2017 வரை அக்கட்சி சாா்பில் மாநிலங்களவை எம்.பி.யாக இருந்தாா் என்பது குறிப்பிடத்தக்கது.
பிகாரைச் சோ்ந்த ஆம் ஆத்மி முன்னாள் தலைவா் நிதீஷ் ஆனந்த், பாஜக முக்கிய நிா்வாகி நிகத் அப்பாஸ், பத்திரிகையாளும் எழுத்தாளருமான ஃபிராங்க் ஹுசூா் உள்ளிட்டோரும் காங்கிரஸ் கட்சியில் இணைந்தனா்.
