கட்டுப்பாட்டை இழந்து ஏரியில் கவிழ்ந்த லாரி: தண்ணீரில் மிதந்த எரிவாயு உருளை!

திருவண்ணாமலை: செய்யாறு அருகே ஓட்டுநரின் கட்டுப்பாட்டை இழந்த சமையல் எரிவாயு உருளை ஏற்றிச் சென்ற லாரி வியாழக்கிழமை சாலையின் தடுப்பை உடைத்துக் கொண்டு ஏரியில் கவிழ்ந்து விபத்துக்குள்ளானது.

செங்கல்பட்டு மாவட்டம் படாளம் பகுதியில் இருந்து 357 சமையல் எரிவாயு உருளைகளை ஏற்றிச் சென்ற லாரி திருவண்மாலை மாவட்டம் செய்யாறு அருகே சென்று கொண்டிருந்த போது ஓட்டுநரின் கட்டுப்பாட்டை இழந்த லாரி, சாலையின் தடுப்பை உடைத்துக் கொண்டு ஏரியில் கவிழ்ந்து விபத்துக்குள்ளானது.

இதையும் படிக்க |சென்னையில் குத்துச் சண்டை வீரர் வெட்டிக் கொலை

தகவல் அறிந்து வந்த போலீசார், அந்த பகுதி மக்கள் உதவியுடன் படுகாயங்கம் அடைந்த லாரி ஓட்டுநரை மீட்டு மருத்துவமனைக்கு அனுப்பி வைத்தனர்.

மேலும் ஏரியில் தண்ணீரில் மிதந்து வந்த சமையல் எரிவாயு உருளைகளை மீட்கும் பணியிலும் போலீசார் ஈடுபட்டுள்ளனர்.

இந்த சம்பவம் அந்த பகுதி மக்களிடையே பெரும் அதிர்ச்சியையும் அதிர்வையும் ஏற்படுத்தி உள்ளது.