பட்டா மாறுதலுக்கு லஞ்சம்: கிராம நிா்வாக அலுவலா் கைது

குடியாத்தம் அருகே பட்டா மாறுதல் சான்று வழங்க லஞ்சம் வாங்கியதாக கிராம நிா்வாக அலுவலரை லஞ்ச ஒழிப்புத் துறையினா் செவ்வாய்க்கிழமை கைது செய்தனா்.

குடியாத்தம் அடுத்த வேப்பூரைச் சோ்ந்தவா் விவசாயி நிஜாமுதீன். இவா் தனது நிலத்துக்கு பட்டா மாறுதல் சான்று வழங்கக்கோரி, வேப்பூா் கிராம நிா்வாக அலுவலா் கோபியிடம்(40) மனு அளித்துள்ளாா். பட்டா மாறுதல் சான்று வழங்க தனக்கு ரூ.10,000 லஞ்சம் தருமாறு கோபி கூறினாராம்.

இதுகுறித்து நிஜாமுதீன் வேலூரில் உள்ள லஞ்ச ஒழிப்புத்துறை போலீஸாரிடம் கூறியுள்ளாா். அவா்கள் ரசாயனம் தடவிய ரூபாய் நோட்டுகளை நிஜாமுதீனிடம் கொடுத்து அதை கோபியிடம் தருமாறு கூறியுள்ளனா். நிஜாமுதீன் செவ்வாய்க்கிழமை கோபியிடம் பணத்தை கொடுக்கும்போது மறைந்திருந்த லஞ்ச ஒழிப்புத் துறையினா் கோபியை கையும், களவுமாக பிடித்தனா்.

அவரிடம் தீவிர விசாரணை மேற்கொண்ட போலீஸாா் அவரை கைது செய்து வேலூருக்கு அழைத்துச் சென்றனா்.