கடலூா் மாவட்ட குற்றப்பிரிவு போலீஸாா் பண மோசடி தொடா்பான புகாா்களின் மீது வழக்குப் பதிவு செய்து, பெண் உள்ளிட்ட 8 பேரை ஞாயிற்றுக்கிழமை கைது செய்தனா்.
கடலூா் எஸ்.பி. ரா.ராஜாராம் உத்தரவுப்படி, குற்றப்பிரிவு டிஎஸ்பி (பொ) நாகராஜன், ஆய்வாளா் துா்கா மேற்பாா்வையில், குற்றப்பிரிவில் விசாரணை நிலுவையில் இருந்த பண மோசடி தொடா்பான 10-க்கும் மேற்பட்ட புகாா்கள் மீது கடந்த 13-ஆம் தேதி வழக்குப் பதிவு செய்யப்பட்டது.
இது தொடா்பாக 4 ஆய்வாளா்கள், 6 உதவி ஆய்வாளா்கள் சிறப்புப் புலனாய்வு அதிகாரிகளாக நியமிக்கப்பட்டு, எதிரிகளை கைது செய்ய உத்தர வழங்கப்பட்டது.
அதன்படி, பண்ருட்டி, காமாட்சிப்பேட்டை பகுதியைச் சோ்ந்த ரமேஷ் மற்றும் 3 நபா்கள் மின்சார வாரியத்தில் வேலை வாங்கித் தருவதாக ஏமாற்றி மோசடி செய்ததாக கொடுத்த புகாரின்பேரில், அரியலூா் மாவட்டம், மீன்சுருட்டி பகுதியைச் சோ்ந்த செல்வராஜ் மகன் குணசேகரனை பண்ருட்டி ஆய்வாளா் வேலுமணி கைது செய்தாா்.
நெய்வேலி பகுதியைச் சோ்ந்த தங்கராசு மகன் மாற்றுத் திறனாளி ராஜா பெயரில் கடன் பெற்று 8.50 லட்சம் மோசடி செய்த வழக்கில், மருங்கூா் கிராமத்தைச் சோ்ந்த அரசன் மகன் அறிவழகனை வடலூா் உதவி ஆய்வாளா் ராஜாங்கம் கைது செய்தாா்.
நெய்வேலியைச் சோ்ந்த சங்கரின் மகளுக்கு மருத்துவக் கல்லூரியில் இடம் வாங்கித் தருவதாகக் கூறி ரூ.22.40 லட்சம் பெற்று மோசடி செய்த புகாரில், கள்ளக்குறிச்சி மாவட்டம், திருநாவலூரைச் சோ்ந்த முத்துக்குமாரை குள்ளஞ்சாவடி காவல் நிலைய உதவி ஆய்வாளா் உலகநாதன் கைது செய்தாா்.
பண்ருட்டி, மேல்மாம்பட்டு கிராமத்தைச் சோ்ந்த அண்ணாமலை மகனுக்கு கிராம நிா்வாக அலுவலா் வேலை வாங்கித் தருவதாகக் கூறி ரூ.7.95 லட்சம் மோசடி செய்த வழக்கில் சி.என்.பாளையம் கிராமத்தைச் சோ்ந்த கிருஷ்ணமூா்த்தி மகன் ராஜாவை நெல்லிக்குப்பம் காவல் உதவி ஆய்வாளா் ஜவ்வாது உசேன் கைது செய்தாா்.
விருத்தாசலத்தில் தீபாவளி மற்றும் மாதச் சீட்டு நடத்தி பெண்ணாடம் பகுதியைச் சோ்ந்த மோத்திபீ உள்ளிட்ட 14 பேரிடம் ரூ.9.08 லட்சம் மோசடி செய்த வழக்கில் ஸ்டாலின், அவரது மனைவி வனிதா மற்றும் சக்திவேல் ஆகியோரை கிள்ளை காவல் நிலைய உதவி ஆய்வாளா் சங்கா் கைது செய்தாா்.
திட்டக்குடியில் வாடிக்கையாளா்களிடம் வசூலித்த பணத்தை நிறுவனத்தில் செலுத்தாமல் ரூ.22.97 லட்சம் கையால் செய்த வழக்கில் சேட்டு மகன் தினேஷ்குமாரை ராமநத்தம் காவல் நிலைய உதவி ஆய்வாளா் கோபிநாத் கைது செய்தாா்.
மேலும், மோசடி புகாரில் பதியப்பட்டுள்ள வழக்குகளில் தொடா்புடையவா்களை மாவட்ட குற்றப்பிரிவு மற்றும் சிறப்பு நியமன காவல் அதிகாரிகள் தேடி வருகின்றனா்.
