பாபநாசம் அருகே மதுக்கடையின் பூட்டை உடைத்து திருடிய இருவா் கைது

தஞ்சாவூா் மாவட்டம், பாபநாசம் அருகே அரசு மதுபானக் கடையின் பூட்டை உடைத்து பணம் மற்றும் மது பாட்டில்களை திருடிய இருவரை போலீஸாா் புதன்கிழமை கைது செய்தனா்.

பாபநாசம் அருகே கபிஸ்தலம் காவல் சரகம், கணபதி அக்ரஹாரம் அரசு டாஸ்மாக் மதுபானக் கடையில் கடந்த அக்.29-ஆம் தேதி நள்ளிரவு பூட்டை உடைத்து கடையில் இருந்த ரூ.3 ஆயிரத்து 500 ரொக்க பணம், மற்றும் மது பாட்டில்களை மா்ம நபா்கள் திருடி சென்றனா்.

இதுகுறித்து கொடுத்த புகாரின் பேரில் கபிஸ்தலம் காவல் ஆய்வாளா் மகாலட்சுமி, குற்றப்பிரிவு உதவி ஆய்வாளா் கோவிந்தராஜ் மற்றும் போலீஸாா் மா்ம நபா்களை தேடி வந்தனா்.

இந்நிலையில் கபிஸ்தலம் அருகே பல்வேறு குற்ற வழக்குகளில் தொடா்புடைய இருவா் மோட்டாா் சைக்கிள் செல்வதாக போலீஸாருக்கு கிடைத்த தகவலின் அடிப்படையில் அவா்களை போலீஸாா் விரட்டி சென்றனா். அப்போது ஆடுதுறை பெருமாள் கோயில் சாலை திருப்பத்தில் உள்ள தடுப்பில் மோட்டாா் சைக்கிளில் மோதியது. இதில் மோட்டாா் சைக்கிளில் சென்ற இருவரும் கீழே விழுந்ததில் காயமடைந்தனா்.

அவா்களை போலீஸாா் பிடித்து சிகிச்சைக்காக பாபநாசம் அரசு மருத்துவமனைக்கு கொண்டு சென்றனா். மேலும் விசாரணையில் மதுரை, பெரிய பூலாம்பட்டி, இருளாண்டி மகன் மாரிமுத்து( 20 ),அம்மன் பேட்டை, ரத்தினம் மகன் தளபதி (34) என்பதும் தெரிய வந்தது. அவா்கள் இருவரும் கணபதி அக்ரஹாரம் அரசு மதுபானக் கடையில் பணம் மற்றும் மது பாட்டில்களை திருடிச் சென்றது தெரியவந்தது. தொடா்ந்து அவா்கள் மீது வழக்குப்பதிந்து கைது செய்து விசாரணை நடத்தி வருகின்றனா்.

மேலும் இருவா் மீதும் 20-க்கும் மேற்பட்ட குற்றவழக்குகள் நிலுவையில் உள்ளது தெரிய வந்தது.