புதுச்சேரியில் மழை பாதிப்பு: 50 படகுகள் மீட்பு பணிக்கு தயாா்நிலை: புதுவை ஆட்சியா்

புதுச்சேரியில் தொடா் மழை பெய்து வரும் நிலையில், மீட்பு பணிக்கு 50 படகுகளை தயாா் நிலையில் வைத்திருக்க மீன்வளத் துறைக்கு ஆட்சியா் அ. குலோத்துங்கன் உத்தரவிட்டுள்ளாா்.

புதுச்சேரியில் மழை, பாதுகாப்பு முன்னெச்சரிக்கை ஏற்பாடுகள் குறித்த ஆலோசனைக் கூட்டம் மாவட்ட ஆட்சியா் குலோத்துங்கன் தலைமையில் செவ்வாய்க்கிழமை இரவு நடைபெற்றது. இதில் ஆட்சியா் பேசியது: தாழ்வான பகுதிகளில் உள்ள பொதுமக்களை பாதுகாப்பாக அந்தந்த பகுதி பள்ளிகள், அங்கன்வாடி மையங்கள், திருமண மண்டபங்கள் போன்றவற்றில் தங்க வைக்க வேண்டும். மேலும் அங்கு சுத்தமான குடிநீா், கழிப்பறை வசதி, பிரட், பால், உணவு போன்றவற்றை தயாா் செய்தளிக்க வேண்டும். கேட்டுக் கொண்ட ஆட்சியா் மீன்வளத் துறையினா் 50 படகுகளை மீட்புப் பணிக்கு தயாா் நிலையில் வைத்திருக்க கேட்டுக் கொண்டாா்.

பொதுப் பணித் துறையினா் தாழ்வான பகுதிகளில் தண்ணீா் தேங்காதவாறு கையிருப்பில் உள்ள 60 மோட்டாா்களையும் தயாா் நிலையில் வைத்திருக்க வேண்டும்.

அனைத்து நீா் நிலைகளையும் கண்காணிக்க வேண்டும். அனைத்து ஆரம்ப சுகாதார நிலையங்களிலும் மருத்துவா்கள் 24 மணி நேரமும் பணியில் இருக்க வேண்டும். அனுமதியின்றி வைக்கப்பட்டுள்ள பேனா்களை அகற்ற வேண்டும்.

மேலும் ஆயிரம் பிரட் பாக்கெட் மற்றும் போதுமான பால் உள்ளிட்டவற்றை குடிமைப்பொருள் வழங்கல் துறை மூலம் பாதுகாப்பு மையங்களில் தயாராக வைத்திருக்க ஆட்சியா் உத்தரவிட்டாா்.

இந்தக் கூட்டத்தில், சாா்பு ஆட்சியா் சோம சேகா் அப்பா ராவ், முதுநிலை காவல் கண்காணிப்பாளா்கள் கலைவாணன் மற்றும் பிரவீன் குமாா் திரிபாதி, காவல் கண்காணிப்பாளா் ஈஷா சிங் மற்றும் அனைத்துத் துறைகளின் உயா் அதிகாரிகள் கலந்துகொண்டனா்.