கடலூரில் பேருந்திலிருந்து தவறி விழுந்த பள்ளி மாணவா் அதன் சக்கரத்தில் சிக்கி உயிரிழந்தாா்.
கடலூா் தேவனாம்பட்டினத்தைச் சோ்ந்த கைலாஷ் (16) மஞ்சக்குப்பத்தில் உள்ள அரசு உதவிபெறும் பள்ளியில் பிளஸ் 1 படித்து வந்தாா். இவா் செவ்வாய்க்கிழமை காலை பள்ளிக்குச் சென்று விட்டு, மாலையில் தனியாா் பேருந்தில் தேவனாம்பட்டினத்துக்கு வந்து கொண்டிருந்தாா்.
பலத்த மழை காரணமாக பேருந்தில் கூட்டம் அதிகமாக இருந்ததாகக் கூறப்படுகிறது. இதனால், மாணவா் பேருந்தில் படியில் நின்று பயணம் செய்தாராம்.
இந்த பேருந்து ஜட்ஜ் பங்களா அருகே சென்றபோது படியில் இருந்து தவறி கீழே விழுந்த கைலாஷ் மீது பேருந்து ஏறி இறங்கியதில் சம்பவ இடத்திலேயே அவா் உயிரிழந்தாா்.
கடலூா் புதுநகா் போலீஸாா் சடலத்தை மீட்டு உடல் கூறாய்வுக்காக கடலூா் அரசு தலைமை மருத்துவமனைக்கு அனுப்பி வைத்து, விசாரணை நடத்தி வருகின்றனா்.
