போலி சான்றிதழ் கொடுத்து எய்ம்ஸ் கல்லூரியில் சேர முயற்சி... ஹிமாச்சல் மாணவர் கைது!

மதுரையில் எய்ம்ஸ் மருத்துவக் கல்லூரிக்கான கட்டுமான பணிகள் நடந்து வருகிறது. இதனால் எய்ம்ஸ் மருத்துவக் கல்லூரிக்கான வகுப்புகள் ராமநாதபுரத்தில் உள்ள அரசு மருத்துவக் கல்லூரியில் தற்காலிகமாக நடந்து வருகிறது. இந்நிலையில் ஹிமாச்சல் பிரதேசம் கங்கோத்தி நமேல் என்ற ஊரைச் சேர்ந்த மாணவர் அபிஷேக் ராமநாதபுரத்தில் இயங்கி வரும் மதுரை எய்ம்ஸ் மருத்துவக் கல்லூரியில் சேருவதற்காக தனது தந்தை மகேந்திர சிங்குடன் வந்துள்ளார்.

மாணவர் சேர்க்கைக்கான இறுதி நாள் கடந்த அக்டோபர் 19-யுடன் முடிந்த நிலையில் மருத்துவக் கல்லலூரியில் அபிஷேக் சேர வந்தது எய்ம்ஸ் கல்லூரி நிர்வாகத்தினருக்கு சந்தேகத்தை ஏற்படுத்தியது. இதையடுத்து அபிஷேக்கின் நீட் மதிப்பெண் சான்றிதழை சரி பார்த்த போது அது போலி மதிப்பெண் சான்றிதழ் என தெரியவந்தது. இதையடுத்து மதுரை எய்ம்ஸ் மருத்துவக் கல்லூரி பேராசிரியர்களுக்கான பொறுப்பு அதிகாரி டாக்டர் கணேஷ் பாபு இது குறித்து ராமநாதபுரம் கேணிக்கரை காவல் நிலையத்தில் புகாரளித்தார்.

போலீஸார் விசாரணையில் மாணவர் அபிஷேக்கின் தந்தை ஹிமாச்சல் மாநிலத்தில் பம்ப் ஆப்பரேட்டராக பணியாற்றுகிறார். இந்நிலையில் ஹரியானா மாநிலத்தில் பள்ளி படிப்பை முடித்த அபிஷேக் இரு முறை நீட் தேர்வு எழுதியும் தேர்ச்சி பெறவில்லை. மூன்றாவது முறையாக தேர்வு எழுதிய போதும் அதில் 60 மதிப்பெண் மட்டுமே பெற்றுள்ளார். இதனால் மதிப்பெண் சான்றிதழில் திருத்தம் செய்து போலி சான்றிதழ் தயாரித்துள்ளார். மேலும், அவரது தந்தையை மற்றும் குடும்பத்தினரை ஏமாற்றி எய்ம்ஸ் மருத்துவக் கல்லூரியில் சேர வந்துள்ளார் என தெரியவந்தது. இதையடுத்து மாணவர் அபிஷேக்கை கேணிக்கரை போலீஸார் கைது செய்தனர்.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்... https://tinyurl.com/2b963ppb

வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...https://tinyurl.com/2b963ppb