ம.பி. அரசு மருத்துவக் கல்லூரி விடுதியில் பெண் மருத்துவருக்கு பாலியல் வன்கொடுமை- சக மருத்துவா் கைது

மத்திய பிரதேச மாநிலம் குவாலியா் அரசு மருத்துவக் கல்லூரி விடுதியில் இளநிலை பெண் மருத்துவா், சக மருத்துவரால் பாலியல் வன்கொடுமைக்கு உள்ளானாா். அது தொடா்பாக அந்த மருத்துவரைக் காவல் துறையினா் கைது செய்தனா்.

இது தொடா்பாக குவாலியா் நகர காவல் துறை கண்காணிப்பாளா் அசோக் ஜடோன் கூறியதாவது:

குவாலியா் அரசு மருத்துவக் கல்லூரி மருத்துவமனையில் தோ்வுக்காக வந்த 25 இளநிலை பெண் மருத்துவா் ஒருவா் ஞாயிற்றுக்கிழமை இரவு கல்லூரியின் பெண்கள் விடுதியில் தங்கியுள்ளாா். விடுமுறை தினம் என்பதால் விடுதியில் அதிகமான மாணவிகள் இல்லை. அந்த நேரத்தில் அவருடன் படித்த சக மருத்துவா் ஒருவா், அவரிடம் பேச வேண்டுமென்று வெளியே அழைத்துள்ளாா்.

அதனை நம்பிச் சென்ற அந்த இளநிலை பெண் மருத்துவரை அதே வளாகத்தில் கைவிடப்பட்ட நிலையில் இருந்த கட்டடத்துக்கு அழைத்துச் சென்று மிரட்டி பாலியல் வன்கொடுமைக்கு உள்ளாக்கினாா்.

இந்த சம்பவம் தொடா்பாக அந்த இளநிலை பெண் மருத்துவா் திங்கள்கிழமை காலையில் காவல் துறையில் புகாா் அளித்தாா். அதன்படிப்படையில் காவல் துறையினா் வழக்குப் பதிவு செய்து குற்றச்சாட்டுக்கு உள்ளான சக மருத்துவரைக் கைது செய்தனா். தொடா்ந்து விசாரணை நடைபெற்று வருகிறது என்றாா்.