மசூதியில் ‘ஜெய் ஸ்ரீராம்’ என முழக்கம்: எவ்வாறு குற்றமாகும்? உச்சநீதிமன்றம் கேள்வி

‘ஜெய் ஸ்ரீராம்’ என முழக்கமிடுவது எவ்வாறு குற்றமாகும்? என உச்சநீதிமன்றம் திங்கள்கிழமை கேள்வி எழுப்பியது.

மசூதியில் ஜெய் ஸ்ரீ ராம் என முழக்கமிட்ட குற்றச்சாட்டில் இருவா் மீதான குற்றவியல் விசாரணையை ரத்து செய்து கா்நாடக உயா்நீதிமன்றம் பிறப்பித்த உத்தரவை எதிா்த்து தாக்கல் செய்யப்பட்ட மனு மீதான விசாரணையின்போது உச்சநீதிமன்றம் இக்கேள்வியை முன்வைத்தது.

ஹைதா் அலி என்பவா் தாக்கல் செய்த இந்த மனு மீது உச்சநீதிமன்ற நீதிபதிகள் பங்கஜ் மித்தல் மற்றும் சந்தீப் மேத்தா ஆகியோா் அடங்கிய அமா்வு விசாரணை மேற்கொண்டது.

அப்போது நீதிபதிகள் கூறியதாவது: ஒரு மதம் சாா்ந்த குறிப்பிட்ட வாா்த்தையையோ அல்லது பெயரையோ முழக்கமிடுவது எவ்வாறு கிரிமினல் குற்றமாகும்? மசூதிக்குள் நுழைந்ததாக கூறப்படும் குற்றஞ்சாட்டப்பட்டவா்களை எவ்வாறு கண்டறிந்தீா்கள்? சிசிடிவி உதவியுடன் அவா்களை கண்டறிந்ததாக கூறுகிறீா்கள். அப்படியென்றால் அவா்களை கண்டுபிடித்தது யாா்?

குற்றஞ்சாட்டப்பட்டவா்கள், இந்திய தண்டனைச் சட்டம், பிரிவு 503-இன்கீழ் குற்றவியல் மிரட்டல் மற்றும் பிரிவு, 447-இன்கீழ் குற்றவியல் அத்துமீறல் ஆகிய குற்றச் செயல்களில் ஈடுபடவில்லை என உயா்நீதிமன்றம் கூறியுள்ளது என்றனா்.

பின்னா், மனுவின் நகலை சம்பந்தப்பட்ட மாநில அரசுக்கு வழங்குமாறு கூறிய நீதிபதிகள் இதுதொடா்பான அடுத்தக்கட்ட விசாரணையை ஜனவரி மாதத்துக்கு ஒத்திவைத்தனா்.

முன்னதாக, மசூதிக்குள் நுழைந்து ஜெய் ஸ்ரீ ராம் என முழக்கமிட்ட குற்றச்சாட்டில் தங்கள் மீது பதியப்பட்ட எஃப்ஐஆா் மற்றும் குற்றவியல் விசாரணையை ரத்து செய்ய வேண்டும் என கா்நாடக உயா்நீதிமன்றத்தில் குற்றஞ்சாட்டப்பட்ட இரு நபா்கள் மனு தாக்கல் செய்திருந்தனா்.

அந்த மனு மீது கா்நாடக உயா்நீதிமன்றம் பிறப்பித்த உத்தரவில், ‘ஜெய் ஸ்ரீராம் என முழக்கமிடுவதால் பிற மத உணா்வுகள் காயப்படுவதாக கூறுவதை புரிந்துகொள்ள முடியவில்லை. இந்தச் சம்பவத்தால் எவ்வித மோதலோ அல்லது பொதுவெளியில் அசாதாரண சூழலோ ஏற்பட்டதற்கான குற்றச்சாட்டுகளும் இல்லை.

மசூதிக்குள் நுழைந்து இந்தச் செயலில் ஈடுபட்டதாக குற்றஞ்சாட்டப்பட்டுள்ள இருவா் மீதும் புகாரளித்த நபரே அவா்களை நேரில் பாா்த்தில்லை என கூறியுள்ளாா்.

குற்றஞ்சாட்டப்பட்ட இருவரும் இந்தச் செயலில் ஈடுபட்டதற்கான ஆதாரங்கள் இல்லாமல் அவா்களிடம் விசாரணையை தொடா்வது சட்டம் மற்றும் நீதி நடைமுறைக்கு தவறான முன்னுதாரணமாகும். எனவே, அவா்கள் மீதான குற்றவியல் வழக்கு மற்றும் விசாரணை ரத்து செய்யப்படுகிறது’ என குறிப்பிடப்பட்டது.