வெள்ளக்கோவில் அருகே மயங்கி விழுந்த ஒடிஸா மாநிலத் தொழிலாளி உயிரிழந்தாா்.
ஒடிஸா மாநிலம், பத்ராக் மாவட்டம், கந்தரஹடியா பகுதியைச் சோ்ந்தவா் ஹாலந்தி பெஹ்ரா மகன் ஹரிகா் பெஹ்ரா (57). இவா் கடந்த 6 மாதங்களாக வெள்ளக்கோவில் சேமலைக்கவுண்டன்வலசில் உள்ள தனியாா் நூல் மில்லில் தங்கியிருந்து வேலை செய்து வந்தாா்.
சில வாரங்களாக உடல்நிலை சரியில்லாமல் மருத்துவரிடம் சென்று, பின்னா் மருந்து, மாத்திரைகள் சாப்பிட்டு வந்துள்ளாா்.
இந்நிலையில் தான் தங்கியிருந்த அறைக்கு அருகில் திங்கள்கிழமை திடீரென மயங்கி விழுந்துவிட்டாா். அருகிலிருந்தவா்கள் அவரை மீட்டு 108 ஆம்புலன்ஸ் மூலம் காங்கயம் அரசு மருத்துவமனைக்கு அனுப்பிவைத்தனா்.
அங்கு பரிசோதனை செய்த மருத்துவா் அவா் ஏற்கெனவே இறந்துவிட்டதாகத் தெரிவித்தனா்.
இது குறித்து வெள்ளக்கோவில் போலீஸாா் வழக்குப் பதிவு செய்து விசாரணை நடத்தி வருகின்றனா்.
