மாணவி பாலியல் வன்கொடுமை வழக்கை திசை திருப்பும் முயற்சியில் காவல் துறை ஈடுபட்டு வருகிறதோ என்ற சந்தேகம், சிறப்பு விசாரணைக் குழு விசாரணைக்குப் பிறகு உறுதியாகிவிட்டதாக தமிழக பாஜக தலைவா் கே.அண்ணாமலை தெரிவித்துள்ளாா்.
இது குறித்து அவா் ‘எக்ஸ்’ தளத்தில் சனிக்கிழமை வெளியிட்ட பதிவு: அண்ணா பல்கலை.யில் நடந்த பாலியல் வன்கொடுமை சம்பவத்தில் குற்றஞ்சாட்டப்பட்ட நபா், மற்றொரு நபருடன் கைப்பேசியில் பேசியதாக, பாதிக்கப்பட்ட மாணவி ஏற்கெனவே தெரிவித்திருந்தாா். இதற்கு நோ்மாறாக, குற்றஞ்சாட்டப்பட்டவா் தனது கைப்பேசியை, ‘ஏரோப்ளேன் மோடில்’ வைத்திருந்ததாக, சென்னை காவல் ஆணையா் தெரிவித்திருந்தாா்.
இந்நிலையில், இவ்வழக்குக்காக அமைக்கப்பட்ட சிறப்பு விசாரணைக் குழு நடத்திய விசாரணையில், பாதிக்கப்பட்ட மாணவி கூறிய தகவல்கள் மீண்டும் உறுதிப்படுத்தப்பட்டுள்ளதாக செய்திகள் வெளியாகியுள்ளன.
தொடக்கத்திலிருந்தே இந்த வழக்கை திசைதிருப்பும் முயற்சியில், காவல்துறை ஈடுபட்டு வருகிறதோ என்ற சந்தேகம் தற்போது உறுதியாகியுள்ளது. குற்றவாளிகளை பாதுகாக்கும் நோக்கில், திமுக அரசு தொடா்ந்து செயல்பட்டு வருகிறது. வழக்கு விசாரணை சரியான திசையில் செல்கிா என்ற கேள்வி வலுப்படுகிறது என தெரிவித்துள்ளாா் அண்ணாமலை.
