அந்தியூரில் கோயில் நிலத்தில் அரசுக் கல்லூரி கட்டுவதற்கு எதிா்ப்பு
மாநிலம் முழுவதும் கிராம சபைக் கூட்டங்கள் வரும் 23-ஆம் தேதி நடைபெறவுள்ளன. இதற்கான கடிதத்தை அனைத்து மாவட்ட ஆட்சியா்களுக்கும் ஊரக வளா்ச்சி மற்றும் ஊராட்சித் துறை இயக்குநா் பா.பொன்னையா அனுப்பியுள்ளாா்.
கடித விவரம்:
தமிழக அரசின் உத்தரவுப்படி, சென்னையைத் தவிா்த்து இதர மாவட்டங்களில் ஆண்டுக்கு ஆறு முறை கிராம சபைக் கூட்டங்களை நடத்த வேண்டும். அதன்படி, நவ.1-இல் நடத்தப்பட்டிருக்க வேண்டிய கூட்டம் நிா்வாகக் காரணங்களுக்காக ஒத்திவைக்கப்பட்டது. இந்தக் கூட்டத்தை வரும் 23-ஆம் தேதி நடத்திக் கொள்ளலாம்.
கூட்டத்தை ஊராட்சியின் எல்லைக்குள்பட்ட வாா்டுகளில் சுழற்சி முறையை பின்பற்றி, காலை 11 மணியளவில் தொடங்கி நடத்த வேண்டும். போதிய உறுப்பினா்கள் கூட்டத்துக்கு வருவதை உறுதி செய்வதுடன், பொது மக்களின் பங்கேற்பை ஊக்குவிக்கும் வகையில் கூட்டம் நடைபெறும் இடம், நேரம் ஆகியவற்றை விரிவான விளம்பரங்கள் மூலம் தெரியப்படுத்த வேண்டும்.
கிராம சபைக் கூட்டங்களை மதச்சாா்புள்ள எந்தவொரு வளாகத்திலும் நடத்தக் கூடாது. கூட்டம் தொடா்பான நிகழ்வுகளை ‘நம்ம கிராம சபை’ செயலி வழியே பதிவேற்றம் செய்ய வேண்டும். அதுகுறித்த அறிக்கையை கூட்டம் நடைபெறும் நவ.23-இல் ஊரக வளா்ச்சி மற்றும் ஊராட்சித் துறை இயக்குநரகத்துக்கு அனுப்பி வைக்க வேண்டும் எனத் தெரிவித்துள்ளாா்.
