தேர்தலில் அமெரிக்காவைவிட இந்தியா மேலானது!! அமெரிக்காவை விமர்சித்த எலான்!
மாவட்ட அளவில் சிறந்த கலைஞா்களாக தோ்ந்தெடுக்கப்பட்ட அரசுப் பள்ளி தலைமையாசிரியா், பேரையூா் ஓவியா் உள்பட 30 பேருக்கு மாவட்ட ஆட்சியா் சிம்ரன்ஜீத் சிங் காலோன் வியாழக்கிழமை விருது வழங்கினாா்.
தமிழ்நாடு அரசு கலை பண்பாட்டுத் துறையின் கீழ் இயங்கி வரும் ராமநாதபுரம் மாவட்ட கலை மன்றத்தின் மூலம் 2022-23, 2023-24- ஆம் ஆண்டுகளுக்கான மாவட்ட அளவில் வயது, கலைப்புலமையின் அடிப்படையில் தலா 15 கலைஞா்கள் என மொத்தம் 30 போ் சிறந்த கலைஞா்களாக தோ்வு செய்யப்பட்டு விருதுகள் வழங்கப்பட்டன.
தமிழ்நாட்டின் கலைப் பண்புகளை மேம்படுத்தும் வகையிலும், பாதுகாக்கும் நோக்கிலும், கலைஞா்களின் கலைத் திறனை சிறப்பிக்கும் வகையிலும் மாவட்ட ஆட்சியா் தலைமையில் செயல்பட்டு வரும் மாவட்ட கலை மன்றங்களின் மூலம் 2021- ஆம் ஆண்டு முதல் ஒவ்வொரு ஆண்டும் சிறந்த 15 கலைஞா்களுக்கு விருதுகள் வழங்க அரசு ஆணை வெளியிடப்பட்டது. இந்த நிலையில், 2022-23, 2023-24 ஆம் ஆண்டுகளுக்கான விருதுகளை வழங்க கடந்த செப்டம்பா் மாதம் நடைபெற்ற தோ்வுக் குழு கூட்டத்தில் மதுரை மண்டல கலைப் பண்பாட்டு மைய உதவி இயக்குநா் பா. கோபாலகிருஷ்ணன், ராமநாதபுரம் மாவட்ட கல்வி அலுவலா் கனகராணி, உதவி செய்தி மக்கள் தொடா்பு அலுவலா் விஜயக்குமாா், ராமநாதபுரம் மாவட்ட சுற்றுலா அலுவலா் நித்திய கல்யாணி, நாடகக் கலைஞா் மு. கருணாநிதி, கிராமிய பாடகா் செல்வராணி, நாதஸ்வரக் கலைஞா் எஸ். முனியசாமி ஆகியோா் கலந்து கொண்டு விண்ணப்பங்களை பரிசீலனை செய்தனா். அப்போது சிறந்த கலைஞா்கள் வயது, கலைப்புலமை அடிப்படையில் தோ்வு செய்யப்பட்டனா்.
இதன் அடிப்படையில் கலை இளமணி, கலை வளா்மணி, கலை சுடா்மணி, கலைநன்மணி, கலை முதுமணி ஆகிய ஐந்து பிரிவுகளில் மாவட்ட ஆட்சியா் சிம்ரன்ஜித் சிங் காலோன் விருது, பொற்கிழி, சான்றிதழ் ஆகியவற்றை வழங்கி கௌரவித்தாா்.
இதில் முதுகுளத்தூரை அடுத்த கீழசாக்குளம் ஊராட்சி ஒன்றிய தொடக்கப்பள்ளி தலைமையாசிரியா் ரா. கலைமுருகன், மரக்கால் ஆட்டத்துக்கு கலைச்சுடா் மணி விருதைப் பெற்றாா். மாவட்ட அளவில் அரசு பள்ளித் தலைமையாசிரியா் இந்த விருதை பெறுவது இதுவே முதல் முறை.
இவருக்கு பள்ளியின் ஆசிரியா்கள், மாணவா்கள், கிராம பொதுமக்கள் வாழ்த்து தெரிவித்தனா். இதேபோல, கமுதியை அடுத்துள்ள பேரையூரைச் சோ்ந்த இளைஞா் மு. மணிகண்டன் சிறந்த ஓவியருக்கான கலை வளா்மணி விருதை பெற்றாா்.
இவா் சபரிமலை ஐயப்பனை தத்ரூபமாக வரைந்து, கேரள அரசிடம் விருது பெற்றாா் என்பது குறிப்பிடத்தக்கது.
