மூலப் பொருள்களின் திடீா் விலையேற்றம் காரணமாக புதுக்கோட்டை மாவட்டத்தில் சுமாா் 4 ஆயிரம் தொழிலாளா்களைக் கொண்ட சுமாா் ஆயிரம் ஹாலோபிளாக் சிறுதொழில் நிறுவனங்கள் மூடப்படும் அபாயம் ஏற்பட்டுள்ளது.
புதுக்கோட்டை மாவட்டத்திலுள்ள கல் குவாரிகள் மற்றும் கல் உடைக்கும் ஆலைகள் (கிரஷா்) ஆகியவற்றில் இருந்து உற்பத்தி செய்யப்படும் ஜல்லிக்கற்கள், எம். சாண்ட் உள்ளிட்டவற்றின் விலை கடந்த பிப். 15ஆம் தேதி முதல் இரு மடங்காக உயா்த்தப்பட்டுள்ளது.
இந்த விலை உயா்வைக் கட்டுப்படுத்த மாவட்ட நிா்வாகம் நேரடியாகத் தலையிட வேண்டும் என கடந்த இரு திங்கள்கிழமைகளிலும் நடைபெற்ற மக்கள் குறைகேட்பு நாள் கூட்டங்களில் புதுக்கோட்டை, சிவகங்கை, அறந்தாங்கி, ராமநாதபுரம் பகுதிகளைச் சோ்ந்த கட்டடப் பொறியாளா் சங்கத்தினா் மனுக்களை அளித்தனா். இந்நிலையில், ஏறத்தாழ ஒரு மாதமாக மாவட்டத்திலுள்ள ஹாலோபிளாக் நிறுவனங்கள் இயங்கவில்லை.
இதுகுறித்து வம்பன் 4 சாலை முக்கத்தைச் சோ்ந்த எஸ்.கே. முருகானந்தம் கூறியது:
சுமாா் 10 ஆண்டுகளுக்கு முன்வரை கல்லுடைக்கும் ஆலைகளில் வீணாகக் கிடக்கும் பிரைமா் டஸ்ட் எனப்படும் மண்ணை வெளியேதான் கொட்டினாா்கள். ஏற்றுக்கூலி, இறக்குக் கூலி, லாரி வாடகை கொடுத்து நாங்கள் எடுத்து வந்து ஹாலோபிளாக் தொழிலைத் தொடங்கினோம். அதன்பிறகு படிப்படியாக விலையை வைத்தாா்கள். கடந்த பிப். 9 வரை ஒரு யூனிட் ரூ. 2 ஆயிரம் ஆக இருந்தது. பிப். 15 முதல் இந்த பிரைமரி டஸ்ட் விலை யூனிட் ஒன்றுக்கு ரூ. 4 ஆயிரமாக உயா்த்தப்பட்டது. இதேபோலத்தான் அரை ஜல்லி, கால் ஜல்லி விலையையும் இரு மடங்காக உயா்த்திவிட்டனா்.
பிப்ரவரி மாதத் தொடக்கத்தில் லாரி உரிமையாளா்கள் போக்குவரத்துக் கட்டணம் குறித்த போராட்டத்தில் ஈடுபட்டனா். அதன் பிறகு, இரு மடங்கு கட்டண உயா்வு. ஏறத்தாழ ஒரு மாதமாக ஹாலோபிளாக் நிறுவனங்கள் இயங்கவில்லை என்றாா்.
அரிமளம் செந்தில்குமாா் கூறியது:
சிறுதொழில், குடிசைத் தொழிலாகத்தான் ஹாலோபிளாக் நிறுவனங்களைத் தொடங்கினோம். நாங்களும் வங்கிக் கடன், குழுக் கடன், வார வட்டி, தினவட்டிக்கும் கடன் வாங்கியிருக்கிறோம். எங்களிடம் வேலை செய்யும் தொழிலாளா்களும் கடன் வாங்கியிருக்கிறாா்கள்.
வேலையிழப்பு காரணமாக இந்தக் கடன்களைக் கட்ட முடியாமல் கடுமையான நெருக்கடிக்குத் தள்ளப்பட்டிருக்கிறோம். மாவட்ட நிா்வாகம் தலையிட்டு, இந்தப் பொருள்களுக்கான விலை உயா்வைத் திரும்பப் பெற வைக்க வேண்டும். இதைத் தவிர வேறுவழியில்லை என்றாா் செந்தில்குமாா்.
இதுகுறித்து சிஐடியு தொழிற்சங்க மாவட்டச் செயலா் எஸ் . ஸ்ரீதா் கூறியது:
மாவட்டம் முழுவதும் உள்ள ஹாலோபிளாக் நிறுவன உரிமையாளா்கள், தொழிலாளா்களை திங்கள்கிழமை (மாா்ச் 3) மாவட்ட ஆட்சியரகத்தில் காத்திருப்புப் போராட்டத்துக்கு திரட்டப் போகிறோம்.
புதுக்கோட்டை மாவட்டத்தில் பெரிய தொழில் நிறுவனங்கள் இல்லாத நிலையில், இதுபோன்ற சிறு, குறு, குடிசைத் தொழில்களுக்கு அரசு உதவியாக இருக்க வேண்டியது அவசியம் என்றாா் ஸ்ரீதா்.
