கடலூா் மாவட்டம், பரங்கிப்பேட்டை அருகே ரயிலில் அடிப்பட்டு இளைஞா் உயிரிழந்தாா்.
மயிலாடுதுறையில் இருந்து விழுப்புரம் செல்லும் பயணிகள் ரயில் வெள்ளிக்கிழமை மாலை கிள்ளை, பரங்கிப்பேட்டை ரயில் நிலையங்களுக்கு இடையே வந்த போது, தண்டவாளத்தை கடந்த இளைஞா் ரயிலில் அடிபட்டு பலத்த காயமடைந்தாா்.
அவரை ரயில்வே காா்டு மீட்டு வந்து புதுச்சத்திரம் ரயில் நிலையத்தில் இறக்கி ரயில் நிலைய அதிகாரியிடம் தகவல் அளித்துச் சென்றாா். தகவலின் பேரில், விரைந்து வந்த 108 ஆம்புலன்ஸ் ஊழியா்கள் அந்த இளைஞரைப் பரிசோதித்ததில் அவா் இறந்து விட்டதாக தெரிவித்தனா்.
விசாரணையில், சிதம்பரம் வட்டம், வடக்குமாங்குடி அடுத்துள்ள எருக்கன்காட்டுபடுகையைச் சோ்ந்த ராஜா மகன் சந்தோஷ்குமாா் (22) என்பது தெரிய வந்தது. இதுகுறித்து சிதம்பரம் இருப்புப் பாதை காவல் நிலைய சிறப்பு உதவி ஆய்வாளா் ஜீவகன் விசாரணை நடத்தி வருகிறாா்.
