ஜெய்ஸ்வால் ரன் அவுட் ஆட்டத்தின் மிகப் பெரிய தருணம்: ஸ்டீவ் ஸ்மித்
வடசென்னை அனல்மின் நிலையத்தின் இரண்டாவது அலகில் உள்ள கொதிகலன் குழாயில் ஏற்பட்ட கசிவு காரணமாக 600 மெகாவாட் மின் உற்பத்தி பாதிக்கப்பட்டது.
திருவள்ளூா் மாவட்டம், பொன்னேரி அத்திப்பட்டில் வடசென்னை அனல்மின் நிலையம் அமைந்துள்ளது. இங்கு, முதல் உற்பத்தி பிரிவின் மூன்று அலகுகளில் தலா 210 மெகாவாட் வீதம் 630 மெகாவாட் மின்சாரமும், இரண்டாவது உற்பத்தி பிரிவின் இரண்டு அலகுகளில் தலா 600 மெகாவாட் வீதம் 1,200 மெகாவாட் மின்சாரமும் உற்பத்தி செய்யப்பட்டு வருகிறது.
இந்நிலையில், இரண்டாவது உற்பத்தி பிரிவின் 2-ஆவது அலகிலுள்ள கொதிகலன் குழாயில் கசிவு ஏற்பட்டது. இதனால், 600 மெகாவாட் மின் உற்பத்தி பாதிக்கப்பட்டது. ஏற்கெனவே 2-ஆவது உற்பத்தி பிரிவின், 1-ஆவது அலகில் ஏற்பட்ட பழுது காரணமாக 600 மெகாவாட் மின் உற்பத்தி நிறுத்தப்பட்டு பழுது பாா்க்கும் பணிகள் நடைபெற்று வந்தன. தற்போது இரண்டாவது உற்பத்தி பிரிவின், 2-ஆவது அலகிலும் பழுது ஏற்பட்டு மின் உற்பத்தி நிறுத்தப்பட்டுள்ளது. இரண்டு அலகுகளிலும் ஏற்பட்டுள்ள பழுதுகள் விரைவில் சரிசெய்யப்பட்டு மீண்டும் மின் உற்பத்தி தொடங்கும் என மின்வாரிய அதிகாரிகள் தெரிவித்தனா்.
