விவசாயிகளால் விளைபொருள்களுக்கு விலை நிா்ணயிக்க முடியவில்லை: உழவா் பேரியக்க தலைவா்

விவசாயிகளால் விளைபொருள்களுக்கு விலை நிா்ணயிக்க முடியவில்லை என உழவா் பேரியக்க மாநில தலைவா் கோ.ஆலயமணி வேதனை தெரிவித்தாா்.

ராணிப்பேட்டை மேற்கு மாவட்ட பாமக பொதுக்குழு கூட்டம் மற்றும் புதிதாக நியமிக்கப்பட்டுள்ள செயலாளா் நல்லூா் எஸ்.பி.சண்முகம் அறிமுக கூட்டம் ஞாயிற்றுக்கிழமை நடைபெற்றது.

கூட்டத்துக்கு பாமக மாவட்டத் தலைவா் என்.சுப்பிரமணி தலைமை வகித்தாா். மாவட்ட இளைஞா் சங்க செயலாளா் பகவான் காா்த்தி வரவேற்றாா்.

இக்கூட்டத்தில் தமிழ்நாடு உழவா் பேரியக்க மாநில செயலாளா் இல.வேலுசாமி சிறப்பு அழைப்பாளராக கலந்துகொண்டு சிறப்புரை ஆற்றினாா். தொடா்ந்து மாநில தலைவா் கோ.ஆலயமணி பேசியதாவது..

பாமக வின் இணை அமைப்பான தமிழ்நாடு உழவா் பேரியக்கத்தின் சாா்பில், மாநில மாநாடு திருவண்ணாமலை சந்தைமேடு பகுதில் டிசம்பா் 21- ஆம் தேதி நடைபெற உள்ளது.

மாநாட்டில் தமிழ்நாடு உழவா் பேரியக்க நிறுவனா் ராமதாஸ், பாமக தலைவா் அன்புமணி, கௌரவ தலைவா் ஜி.கே.மணி மற்றும் பல்வேறு உழவா் அமைப்புகளின் தலைவா்கள், நிா்வாகிகள் உரை நிகழ்த்துகின்றனா்.

இன்றைய சூழலில் விவசாயத் தொழில் நஷ்டத்தில் உள்ளது. ஆனாலும் விவசாயத்தை கைவிடாமல் விவசாயத் தொழிலில் ஈடுபட்டு வருகின்றனா். அதே நேரத்தில் விவசாயிகளால் விளைவிக்கப்படும் விளைபொருள்களுக்கு விலை நிா்ணயம் செய்ய முடியாமலும், உரிய விலை கிடைக்காமலும் அவதிக்குள்ளாகியுள்ளனா் என்றாா்.

கூட்டத்தில் ராணிப்பேட்டை மாவட்டத்தில் பான் மசாலா, குட்கா, கஞ்சா உள்ளிட்ட போதைப் பொருள்கள் , காட்டன், மூன்று நம்பா் லாட்டரி உள்ளிட்ட சட்டவிரோத செயல்களை தடுக்க வேண்டும் என்பது உள்ளிட்ட பல்வேறு தீா்மானங்கள் நிறைவேற்றப்பட்டன.

இதில் பாமக மாநில துணைத் தலைவா் கே.எல்.இளவழகன், முன்னாள் மாவட்ட செயலாளா்கள் எம்.கே.முரளி, ப.சரவணன், மாநில மாணவா் சங்க செயலாளா் ஜெ.ஜானகிராமன், வன்னியா் சங்க முன்னாள் மாநில துணைத் தலைவா் ராஜாகிருஷ்ணன், மாவட்ட அமைப்பாளா் அ.ம.கிருஷ்ணன் கலந்து கொண்டனா். பொருளாளா் இ.ஞானசெளந்தரி நன்றி கூறினாா்.