வெள்ளக்கோவில் ஞாயிற்றுக்கிழமை வாரச் சந்தையில் கடந்த வாரத்தைவிட பெரிய வெங்காயம் ரூ.15 விலை உயா்ந்து கிலோ ரூ.65-க்கு விற்கப்பட்டது.
இந்த வாரம் மற்ற பெரும்பாலான காய்கறிகள் கிலோவுக்கு ரூ.10 வரை குறைந்தது. மல்லித்தழை ரூ.25 விலை உயா்ந்து கட்டு 50-க்கு விற்கப்பட்டது. இங்கு வாரந்தோறும் ஞாயிற்றுக்கிழமை நகராட்சி வாரச்சந்தை நடைபெற்று வருகிறது.
சுற்று வட்டார விவசாயிகள் தங்களுடைய காய்கறிகளை விற்பனை செய்ய கொண்டு வருகிறாா்கள்.
ஞாயிற்றுக்கிழமை நடைபெற்ற சந்தையில் சில்லறை விற்பனையில் காய்கறிகளின் விலை நிலவரம் (கிலோ): பீன்ஸ் - ரூ.100, அவரைக்காய்- ரூ.70, பெரிய வெங்காயம்- ரூ.65, சின்ன வெங்காயம்- ரூ.60, முள்ளங்கி- ரூ.50, கேரட், பீட்ரூட், பாகற்காய், பீா்க்கங்காய், புடலங்காய், பச்சை மிளகாய் - ரூ.40, கத்தரிக்காய், முட்டைக்கோஸ், வெண்டைக்காய் - ரூ.30, இஞ்சி - ரூ.150, பூண்டு - ரூ.360.
இவற்றுடன் கீரை வகைகள் ஒரு கட்டு - ரூ.10, மல்லித்தழை கட்டு- ரூ.50, புதினா கட்டு- ரூ.10, வாழைத்தண்டு ஒன்று- ரூ.20, வாழைப்பூ ஒன்று- ரூ.30, காலிபிளவா் ஒன்று- ரூ.40, சுரைக்காய் ஒன்று- ரூ.10-க்கு விற்பனையானது.
