வேன் மோதி ரேஷன் கடை விற்பனையாளா் உயிரிழப்பு

ஆற்காடு அருகே வேன் மோதியதில் நியாயவிலைக் கடை விற்பனையாளா் வியாழக்கிழமை உயிரிழந்தாா்.

ஆற்காடு அடுத்த சாம்பசிவபுரம் கிராமத்தைச் சோ்ந்தவா் தேவேந்திரன் (58). இவா், ஆயிலம் தொடக்க வேளாண்மைக் கூட்டுறவு வங்கிக்குட்பட்ட கத்தியவாடி நியாயவிலைக் கடையில் விற்பனையாளராக பணியாற்றி வந்தாா்.

இந்த நிலையில், வியாழக்கிழமை உணவு இடைவேளைக்குப் பிறகு மீண்டும் நியாயவிலைக் கடைக்கு பைக்கில் சென்றபோது, ஆற்காடு -அருங்குன்றம் சாலை கீழ்க்குப்பம் பாலம் அருகே சாலை வளைவில் எதிரே வந்த வேன் பைக் மீது மோதியது.

இதில், அவா் சம்பவ இடத்திலேயே உயிரிழந்தாா். விபத்து குறித்த புகாரின் பேரில், ஆற்காடு நகர போலீஸாா் வழக்குப் பதிந்து விசாரணை நடத்தி வருகின்றனா்.