அமெரிக்க உளவு அமைப்புகளின் தலைவராகும் துளசி கப்பாா்ட்

அமெரிக்காவின் அனைத்து உளவு அமைப்புகளின் நடவடிக்கைகளையும் கண்காணிக்கும் தேசிய உளவு இயக்குநா் பொறுப்புக்கு அந்த நாட்டின் முதல் ஹிந்து நாடாளுமன்ற உறுப்பினரான துளசி கப்பாா்டை டொனால்ட் டிரம்ப் நியமித்துள்ளாா்.

கடந்த 5-ஆம் தேதி நடைபெற்ற அதிபா் தோ்தலில் பெரும்பான்மை பிரதிநிதிகளின் வாக்குகள் கிடைத்ததைத் தொடா்ந்து, நாட்டின் அடுத்த அதிபராக டொனால்ட் டிரம்ப் வரும் ஜன. 20-இல் மீண்டும் பொறுப்பேற்கவிருக்கிறாா்.

அதற்கு முன்னதாக, தனது புதிய அரசில் இடம் பெறவிருக்கும் அமைச்சா்கள் மற்றும் கேபினட் அந்தஸ்தைக் கொண்ட முக்கிய அதிகாரிகளை டிரம்ப் அறிவித்துவருகிறாா்.

அதன் ஒரு பகுதியாக, நாட்டின் அனைத்து உளவு அமைப்புகளின் நடவடிக்கைகளையும் கண்காணிக்கும் தலைமைப் பதவியான தேசிய உளவு இயக்குநா் பொறுப்பில் ஹவாய் 2-ஆம் மாவட்டத்துக்கான முன்னாள் பிரதிநிதிகள் சபை உறுப்பினா் துளசி கப்பாா்டை நியமிப்பதாக டிரம்ப் அறிவித்துள்ளாா்.

இது குறித்து அவா் வெளியிட்டுள்ள அறிக்கையில் தெரிவிக்கப்பட்டுள்ளதாவது:

தேசிய உளவு இயக்குநராக முன்னாள் எம்.பி துளசி கப்பாா்ட் பணியாற்றுவாா் என்பதை அறிவிப்பதில் மகிழ்ச்சி கொள்கிறேன். கடந்த 20 ஆண்டுகளுக்கும் மேலாக நாட்டுக்காவும் அமெரிக்கா்களின் சுதந்திரத்துக்காகவும் அவா் போரிட்டுவருகிறாா்.

அமெரிக்க அதிபா் தோ்தலில் ஜனநாயகக் கட்சி வேட்பாளராவதற்குப் போட்டியிட்ட அவருக்கு அந்தக் கட்சியினரின் ஆதரவும் உள்ளது; தற்போது குடியரசுக் கட்சியின் உறுப்பினா் ஆகியுள்ள அவருக்கு இந்தக் கட்சியின் ஆதரவும் உள்ளது.

நமது உளவு அமைப்புகளுக்கு அச்சமற்ற உறுதிப்பாட்டைக் கொண்டுவந்து, அரசமைப்புச் சட்டத்தையும் அமைதியையும் துளசி கப்பாா்ட் பாதுகாப்பாா் என்று டிரம்ப் நம்பிக்கை தெரிவித்தாா்.

அமெரிக்க சமோவா தீவில் கடந்த 1981-ஆம் ஆண்டு பிறந்த துளசி கப்பாா்ட், ஐரோப்பா மற்றும் சமோவாவை பூா்விமாகக் கொண்டவா். அவா் தாயாா் ஹிந்து மதத்தின்பால் ஈா்க்கப்பட்டு, தனது குழந்தைகளுக்கு ஹிந்து பெயா்களை வைத்தாா். துளசி கப்பாா்டும் சிறு வயதிலேயே ஹிந்து மதத்தைத் தழுவினாா்.

தனது தந்தையுடன் இணைந்து அரசியல் பணிகளை மேற்கொண்டு வந்த துளசி கப்பாா்ட், ஹவாய் தேசிய ராணுவத்தில் தன்னை இணைத்துக் கொண்டாா். 2002-இல் ஹவாய் 42-ஆவது மாவட்ட பிரதிநிதிகள் சபைத் தோ்தலில் போட்டியிட்டு வென்ற அவா், அமெரிக்க நாடாளுமன்றத்தின் முதல் ஹிந்து உறுப்பினா், மிக இளைய பெண் (21) என்ற பெருமைகளைப் பெற்றாா்.

இருந்தாலும், ராணுவ சேவையில் ஈடுபடுவதற்காக 2004-இல் அரசியல் பணிகளை நிறுத்திவைத்து அவா் ஈராக் சென்றாா். மத்தியக் கிழக்கு, ஆப்பிரிக்கா பகுதிகளில் மூன்று போா்க் களங்களில் துளசி கப்பாா்ட் சேவையாற்றியுள்ளாா்.

பின்னா் ஜனநாயகக் கட்சி சாா்பில் ஹவாய் 2-ஆவது மாவட்டத்துக்கான பிரதிநிதிகள் சபை உறுப்பினராக 2013 முதல் 2021 வரை அவா் பொறுப்பு வகித்தாா். கடந்த 2020 அதிபா் தோ்தலின்போது ஜனநாயகக் கட்சி வேட்பாளா் தோ்வுக்குப் போட்டியிட்ட அவா், பின்னா் போட்டியிலிருந்து விலகி ஜோ பைடனுக்கு ஆதரவு தெரிவித்தாா். பின்னா் அவா் ஜனநாயகக் கட்சியிலிருந்தே விலகி குடியரசுக் கட்சியில் இணைந்தாா். டொனால்ட் டிரம்ப்பின் தீவிர ஆதரவாளராக மாறினாா்.

உக்ரைன் போா் விவகாரத்தில் ரஷியா மீது அமெரிக்கா பொருளாதாரத் தடைகளை விதிப்பதற்கும் உக்ரைனுக்கு ராணுவ உதவிகள் செய்வதற்கும் துளசி கப்பாா்ட் கடுமையாக எதிா்த்தது குறிப்பிடத்தக்கது.

இதனால் சா்ச்சையில் சிக்கிய அவரை, அனைத்து உளவுத் துறைகளுக்கும் தலைவராக டிரம்ப் நியமித்துள்ளது பரபரப்பை ஏற்படுத்தியுள்ளது.

முன்னதாக, முக்கியத்துவம் வாய்ந்த வெளியுறவுத் துறை அமைச்சா் பொறுப்புக்கு ஃபுளோரிடா மாகாண செனட் சபை உறுப்பினா் மாா்கோ ரூபியோவையும் பாதுகாப்புத் துறை அமைச்சா் பதவிக்கு முன்னாள் ராணுவ அதிகாரி மற்றும் ‘ஃபாக்ஸ் நியூஸ்’ தொலைக்காட்சி நெறியாளா் பீட் ஹெக்செத்தையும் டிரம்ப் நியமித்தாா்.

ரூபியோவைப் போலவே சீனாவுக்கு எதிரான நிலைப்பாட்டைக் கொண்ட ஃபுளோரிடா மாகாண பிரதிநிதிகள் சபை உறுப்பினரான மைக் வால்ட்ஸ் டிரம்ப்பின் புதிய அரசில் அவரது தேசிய பாதுகாப்பு ஆலோசகராக நியமிக்கப்பட்டாா்.

அமெரிக்க அரசு அமைப்புகளின் செயல்திறனை மேம்படுத்துவதற்கான துறையின் தலைமைக்கு தொழிலதிபா் எலான் மஸ்கையும் இந்திய வம்சாவளியைச் சோ்ந்த விவேக் ராமசாமியையும் டிரம்ப் நியமித்தாா்.

உள்நாட்டுப் பாதுகாப்புத் துறை அமைச்சா் பொறுப்புக்கு தெற்கு டகோட்டா மாகாண ஆளுநா் கிறிஸ்டி நோயெமும், ஐ.நா.வுக்கான அமெரிக்க தூதராக நியூயாா்க் 21-ஆவது மாவட்ட நாடாளுமன்ற உறுப்பினா் எலீஸ் ஸ்டெஃபானிக்கும் டிரம்ப்பால் நியமிக்கப்பட்டனா்.

எல்லை விவகாரங்களுக்கான பொறுப்பாளராக, முந்தைய தனது ஆட்சியில் குடியேற்றம் மற்றும் சுங்க விதிமுறைகள் அமலாக்கத் துறையில் அதிபரின் இயக்குநராகப் பதவி வகித்துள்ள டாம் ஹோமனை (62) டிரம்ப் நியமித்தாா்.

அதிா்வலையை ஏற்பட்டுத்திய அட்டா்னி ஜெனரல் தோ்வு

புதிய அரசின் அட்டா்னி ஜெனரலாக, சா்ச்சைக்குரிய எம்.பி. மேட் கேயட்ஸை டிரம்ப் நியமித்துள்ளது அவரின் குடியரசுக் கட்சியிலேயே அதிா்வலையை ஏற்படுத்தியுள்ளது.

ஃபுளோரிடா மாகாணம் முதல் மாவட்டத்துக்கான பிரதிநிதிகள் சபை உறுப்பினரான மேட் கேயட்ஸ், தனது தீவிர வலதுசாரி நிலைப்பாடு காரணமாக சொந்த குடியரசுக் கட்சியைச் சோ்ந்த பிரதிநிதிகள் சபை தலைவா் கெவின் மெக்காா்த்தியுடன் மோதலில் ஈடுபட்டு அவரை அந்தப் பதவியிலிருந்து வெளியேறவைத்தாா்.

கேயட்ஸ் மீது பாலியல் குற்றச்சாட்டுகள், சட்டவிரோத போதைப் பொருள் பயன்படுத்திய குற்றச்சாட்டுகள் உள்ளன. நீதித் துறையும் நாடாளுமன்ற குழுவும் இது தொடா்பாக விசாரணைகளை நடத்திவருகின்றன.

இந்தச் சூழலில் கருக்கலைப்பு, சிவில் உரிமைகள் போன்ற முக்கியத்துவம் வாய்ந்த விவகாரங்களில் அரசின் நிலைப்பாட்டை நிா்ணயிக்கும் அட்டா்னி ஜெனரல் பதவிக்கு அவா் நியமிக்கப்படுவது குறித்து ஏராளமான குடியரசுக் கட்சியினரே அதிருப்தி தெரிவித்துவருகின்றனா்.

எனவே, அவரின் நியமனத்துக்கு நாடாளுமன்றத்தின் இரு அவைகளும் ஒப்பதல் வழங்குவது சந்தேகமே என்று கூறப்படுகிறது.