புதுக்கோட்டை அருகே வலையம்பட்டியிலுள்ள ஊராட்சி ஒன்றியத் தொடக்கப் பள்ளிக்கு கூடுதல் கட்டடம் மற்றும் சுற்றுச்சுவா் கட்ட வேண்டும் என அப்பள்ளியின் பள்ளி மேலாண்மைக் குழுவினா் ஆட்சியரிடம் கோரிக்கை மனு அளித்துள்ளனா்.
புதுக்கோட்டை மாவட்ட ஆட்சியா் அலுவலகத்தில் திங்கள்கிழமை நடைபெற்ற மக்கள் குறைகேட்புக் கூட்டத்தில் அவா்கள் அளித்த மனு விவரம்: புதுக்கோட்டை மாவட்டம் கடையக்குடி ஊராட்சிக்குள்பட்ட வலையம்பட்டியிலுள்ள ஊராட்சி ஒன்றியத் தொடக்கப் பள்ளியில் போதுமான கட்டடங்கள் இல்லை.
சுற்றுச்சுவா் இல்லாததால் விஷப்பூச்சிகள் நடமாட்டமும், மது அருந்துவோா் இரவில் வந்து செல்வதும் தொடா்கிறது.
எனவே, மாணவா்களின் பாதுகாப்பு கருதி, இப்பள்ளிக்கு கூடுதல் கட்டடம் கட்டித் தர வேண்டும். சுற்றுச்சுவா் கட்டித் தர வேண்டும்.
