புதுகை: அரியவகை பெருங்கற்கால ஈமச்சின்னமான ‘விசிறி பலகைக் கல்’ கண்டெடுப்பு

பெருங்கற்கால மனிதா்களின் ஈமச் சின்னங்களில் அரிய வகையான ‘விசிறி பலகைக் கல்’ புதுக்கோட்டை அருகே கண்டறியப்பட்டுள்ளது.

பொதுவாக பெருங்கற்கால ஈமச் சின்னங்களை கற்பதுக்கை, கல்திட்டை, கற்குவியல், கல்வட்டங்கள், நெடுங்கல் அல்லது குத்துக்கல், தொப்பிக்கல், விசிறி பலகை போன்ற பல வகைகளாகப் பிரிக்கலாம். புதுக்கோட்டையில் இதுவரை குத்துக்கல் அல்லது நெடுங்கல், தொப்பிக்கல் வட்டங்கள், கல்திட்டைகள் காணப்படுகின்றன. சித்தன்னவாசல், குடுமியான் மலை, தாயினிப்பட்டி, கலசமங்கலம் போன்ற இடங்களில் இவை காணப்படுகின்றன.

இந்தப் பெருங்கற்கால ஈமச்சின்ன வகைகளில் மனித உருவத்தை ஒத்த ‘விசிறி பலகைக் கல்’ ( அய்ற்ட்ழ்ா்ல்ா்ம்ா்ழ்ல்ட்ண்ஸ்ரீ ம்ங்ய்ட்ண்ழ்) அரிய வகை ஈமச்சின்னமாகும். இந்த வகை விசிறி பலகைக் கற்கள் தமிழ்நாட்டில் இரு இடங்களில் மட்டுமே இதுவரை கண்டுபிடிக்கப்பட்டுள்ளது.

திருவண்ணாலை மாவட்டம் செங்கம் வட்டம் மோட்டூரிலும், விழுப்புரம் மாவட்டம் உடையாா்நத்தத்திலும் கண்டறியப்பட்டுள்ளன. இப்போது மூன்றாவது இடமாக புதுக்கோட்டையிலும் இந்த வகை விசிறி பலகைக் கல் கண்டறியப்பட்டுள்ளது.

இதுகுறித்து புதுகை தொல்லியல் மற்றும் வரலாற்று ஆய்வு நடுவத்தின் தலைவா் புதுகைப் பாண்டியன் கூறியது: புதுக்கோட்டை மாவட்டம் பெருங்களூா் அருகே வெள்ளவெட்டான்விடுதிக்கும் மட்டையன்பட்டிக்கும் இடையே வீரன்காளிப்பொட்டல் என்ற இடத்தில் விசிறி பலகைக் கல் கண்டறியப்பட்டுள்ளது. சுமாா் 5 ஏக்கா் பரப்பளவில் உள்ள இந்த இடத்தில் நெடிய குத்துக்கற்களும், கற்குவியல்களும், ஈமத்தாழிகளும் காணப்படுகின்றன.

சாய்ந்த நிலையிலுள்ள இந்த விசிறி பலகைக் கல், 180 செ.மீ., உயரம், 86 செ.மீ., அகலம், 11 செ.மீ., கணமும் கொண்டுள்ளது. இடதுபுற கை அமைப்பு உடைந்த நிலையில் உள்ளது.

ஆய்வு நடுவம் மற்றும் டெல்டா எக்ஸ்புளோரா்ஸ் அமைப்புகளின் சாா்பில் கல்வெட்டுகள், சிற்பங்கள், நினைவுச் சின்னங்களைக் கண்டறிவதுடன் அதே இடத்தில் மறுசீரமைப்பு செய்து வைத்து வருகிறோம். அதன்படி, கீழே கிடந்த இந்த விசிறி பலகைக் கல்லை நிறுத்தி வைத்திருக்கிறோம். தொடா்ந்து ஆவணப்படுத்தும் பணிகள் நடைபெறும் என்றாா் புதுகை பாண்டியன்.