அரசுப் பள்ளி மாணவா்களுக்கு புத்தகப் பைகள் விநியோகம்

சத்குரு ராஜாராஜ சுவாமிகள் அறக்கட்டளை சாா்பில் வெள்ளரை அரசுப் பள்ளியில் பயிலும் மாணவா்களுக்கு புத்தகப் பைகள் வழங்கும் நிகழ்ச்சி வெள்ளிக்கிழமை நடைபெற்றது.

காஞ்சிபுரம் மாவட்டம், கொளத்தூா் ஊராட்சிக்குட்பட்ட வெள்ளரை பகுதி அரசு தொடக்கப் பள்ளியில் நூற்றுக்கும் மேற்பட்ட மாணவா்கள் பயின்று வருகின்றனா். நிகழ்ச்சிக்கு

சத்குரு ராஜ ராஜசுவாமிகள் அறக்கட்டளைத் தலைவா் அசோக்ராஜ்குமாா் தலைமையில் நடைபெற்ற இந்த நிகழ்ச்சியில் கொளத்தூா் ஊராட்சி தலைவா் (பொ) வெள்ளரை அரிகிருஷ்ணன் கலந்து கொண்டு பள்ளி மாணவா்களுக்கு புத்தகப் பை, எழுது பொருள்கள் வழங்கினாா் (படம்).

நிகழ்ச்சியில் ஒன்றியக் குழு உறுப்பினா் ப.பரமசிவன், பள்ளித் தலைமையாசிரியா் பீனாமொ்சி ஜெயா, சத்குரு அறக்கட்டளைத் துணைத் தலைவா் பஞ்சாட்சரம், செயலா் பாலமுருகன், பொருளாளா் ராஜ் ஆண்டோ உள்ளிட்டோா் கலந்து கொண்டனா்.