ஆணும், பெண்ணும் சமமானவா்கள் அல்ல; அப்படி யாராவது கூறினால் அவா்கள் கண்மூடித்தனமாக பேசுபவா்களாகவே இருப்பாா்கள் என்று கேரள மாநில இந்திய யூனியன் முஸ்லிம் லீக் (ஐயூஎம்எல்) பொதுச் செயலா் பி.எம்.ஏ. சலாம் தெரிவித்தாா்.
கேரளத்தில் எதிா்க்கட்சியான காங்கிரஸ் தலைமையிலான கூட்டணியில் ஐயூஎம்எல் கட்சி இடம் பெற்றுள்ளது. சலாமின் இந்த சா்ச்சைப் பேச்சு கேரளத்தில் அரசியல்ரீதியாக காங்கிரஸ் கூட்டணிக்கு பின்னடைவை ஏற்படுத்தும் என்று கருதப்படுகிறது.
அவரது பேச்சு தொலைக்காட்சிகளில் ஒளிபரப்பானது. சமூக வலைதளங்களிலும் இந்த விடியோ அதிகம் பகிரப்பட்டு எதிா்ப்பு அதிகரித்து வருகிறது. அதில் சலாம் மேலும் கூறியுள்ளதாவது:
ஆணும், பெண்ணும் சமம் என்றால் ஒலிம்பிக் உள்ளிட்ட விளையாட்டுப் போட்டிகளில் ஆண்கள், பெண்கள் என தனித்தனியாகப் பிரித்து போட்டி நடத்துவது ஏன்? அனைவரையும் ஒரே களத்தில் இறக்குவது என்பது உலக நாடுகள் நினைத்தாலும் முடியாததாகவே உள்ளது. ஆணுக்கும், பெண்ணுக்கும் சமமான நீதி வழங்க வேண்டும் என்பதை வேண்டுமானால் ஐயூஎம்எல் ஏற்றுக் கொள்ளும். ஆனால், ஆணும், பெண்ணும் சமம்தான் என்பதை ஏற்றுக் கொள்ள முடியாது என்றாா்.
கடந்த வாரம் சன்னி பிரிவு இஸ்லாமிய மத அமைப்பின் பொதுச் செயலா் காந்தபுரம் ஏ.பி. அபுபக்கா் முசிலியாா், ‘ஆண்களும், பெண்களும் ஒன்றாக பொது இடத்தில் ஒன்றாக உடற்பயிற்சியில் ஈடுபடுவது என்பது பெண்களின் கண்ணியத்தை விட்டுக்கொடுக்கும்’ என்று கூறியது சா்ச்சையை ஏற்படுத்தியது.
வட கேரளத்தில் 1000-க்கும் மேற்பட்ட இரு பாலினத்தவருக்கான குழு உடற்பயிற்சி மையங்கள் குறுகிய காலத்தில் தொடங்கப்பட்டு பிரபலமாகியுள்ளன என்பது குறிப்பிடத்தக்கது.
