கோவில்பட்டியில் ரயில் முன் பாய்ந்து பெண் தற்கொலை

கோவில்பட்டியில் ரயில் முன் பாய்ந்து பெண் வியாழக்கிழமை தற்கொலை செய்துகொண்டாா்.

கோவில்பட்டி லட்சுமி ஆலை அருகேயுள்ள தண்டவாளத்தில் தலை துண்டிக்கப்பட்ட நிலையில் பெண் சடலம் கிடப்பதாக தூத்துக்குடி ரயில்வே போலீஸாருக்கு வியாழக்கிழமை தகவல் கிடைத்தது. அதன்பேரில், போலீஸாா் அங்கு சென்று சடலத்தை கைப்பற்றி அரசு மருத்துவமனைக்கு பிரேத பரிசோதனைக்கு அனுப்பி வைத்து வழக்குப்பதிந்தனா்.

விசாரணையில், அவா் இந்திரா நகரைச் சோ்ந்த மதிவாணன் மனைவி ராமலட்சுமி (57) என்பதும், நோய்க்கொடுமையால் ரயில் முன் பாய்ந்து தற்கொலை செய்து கொண்டதும் தெரிய வந்தது.